14:00, 19 - جەلتوقسان 2019 | GMT +5
قوستانايلىق جاس ءوسپىرىم كوللەدج تەرەزەسىنەن قۇلاپ كەتتى
قوستاناي. قازاقپارات - قوستاناي يندۋستريالدىق-پەداگوگيكالىق كوللەدجىنىڭ ستۋدەنتى ءۇشىنشى قاباتتان قۇلاپ كەتتى، دەپ حابارلايدى قازاقپارات.
وقىس وقيعانى وبلىستىق ت ج د باسپا ءسوز قىزمەتى راستادى.
«18-جەلتوقسان كۇنى ۆەدومستۆوعا 17 جاسار جاس ءوسپىرىمنىڭ ءۇشىنشى قاباتتاعى تەرەزەدەن قۇلاپ كەتكەنى تۋرالى حابارلاما كەلىپ ءتۇستى. ول بىردەن وبلىستىق اۋرۋحاناعا جەتكىزىلدى. وعان «يىق سۇيەگىنىڭ جابىق سىنۋى» دياگنوزى قويىلدى»، - دەپ حابارلادى توتەنشە جاعدايلار قىزمەتىنەن.
قازىرگى بولجام بويىنشا، جاس ءوسپىرىم ابايسىزدا قۇلاپ كەتكەن.
