جولاۋشىلار تاسىمالى كومپانياسى پويىز بيلەتىن ساتاتىن جاڭا قوسىمشانى ىسكە قوستى
«وسى قوسىمشا فۋنكسيونالى «bilet.railways.kz» سايتىمەن بىردەي جانە «كۇتۋ پاراعى» قىزمەتى ساقتالادى. قوسىمشانى Play Market-تە مىنا سىلتەمە ارقىلى جۇكتەپ الۋعا بولادى (ق ت ج بيلەتتەرى).
قوسىمشا تەستىلىك رەجىمدە جۇمىس ىستەيدى، ينتەرفەيس جانە فۋنكسيونالعا قاتىستى ۇسىنىستى clpp2012@mail.ru پوشتادا جولداۋ كەرەك»، دەلىنگەن حابارلامادا.
ۇلتتىق تاسىمالداۋشى جول ءجۇرۋ قۇجاتتارىن (بيلەتتەردى) ينتەرنەت- رەسۋرستا رەسىمدەۋگە بولاتىنىن ەسكە سالادى. bilet.railways.kz نەمەسە بيلەت كاسساسى، بوگدە ينتەرنەت- سايتتار، وزىنە- ءوزى قىزمەت كورسەتۋ اۆتوماتتارى («QIWى» جانە «كاسسا-24» ساۋدا ماركالارىمەن) ارقىلى نەمەسە پوشتا بولىمشەلەرىنىڭ قىزمەتتەرىن پايدالانۋعا، ورىن بولماعان جاعدايدا، پويىز جونەلتىلگەنگە دەيىن 7 تاۋلىك بۇرىن «كۇتۋ پاراعى» قىزمەتىن تەگىن پايدالانۋعا بولادى.
«ازاماتاردى بيلەت ساتىپ العاندا بوگدە ادامنىڭ كۇماندى قىزمەتىن پايدالانباۋعا، ال بيلەتتەردى زاڭسىز ساتۋ فاكتىسى انىقتالعان كەزدە بەلسەندى ازاماتتىق ۇستانىم تانىتىپ، قىزمەتكەرلەرى تۇراقتى نەگىزدە ۆوكزال كەشەندەرىندە ورنالاسقان ق ر ءى ءى م كولىكتەگى پوليتسيا دەپارتامەنتىنىڭ جەلىلىك پوليتسيا بولىمدەرىنە جۇگىنۋگە شاقىرامىز»، دەلىنگەن حابارلامادا.
كومپانيا قىزمەتكەرلەرىنىڭ زاڭسىز ارەكەتتەرىنىڭ كۋاسى بولعان جاعدايدا «جولاۋشىلار تاسىمالى» ا ق باس ديرەكتورىنىڭ بلوگىنا بەينەماتەريالدى قوسا وتىرىپ، اقپارات جىبەرۋدى سۇرايمىز.
