دۋشانبەدە «مۇزبالاق» انيماتسيالىق فيلمى كورسەتىلەدى
15 -جەلتوقساندا تاجىكستان جانە قازاقستان كينەماتوگرافيستەر وداقتارىنىڭ ىنتىماقتاستىعى شەڭبەرىندە رەجيسسەر ەرمەك تۇرسىنوۆتىڭ «كەلىن» فيلمى كورسەتىلدى.
ون جىل بۇرىن شىققان فيلمنىڭ نەگىزگى وقيعاسى ءبىزدىڭ ءداۋىرىمىزدىڭ III-IV عاسىرلارىنداعى كەزەڭدى سۋرەتتەيدى (يسلام داۋىرىنە دەيىنگى كەزەڭ). ءۇنسىز تۇسىرىلگەن كينوتۋىندىنى تاماشالاعان كورەرمەندەر ءوز ويلارىن ورتاعا سالدى. كەشتى تاجىكتىڭ بەلگىلى كينوتانۋشىسى سادۋللو راحيموۆ جۇرگىزدى.
ايتا كەتسەك، وسى ىنتىماقتاستىق شەڭبەرىندە 22-جەلتوقساندا كينو ۇيىندە جاقىندا عانا يزرايلدەن جەڭىسپەن ورالعان «مۇزبالاق» تولىقمەتراجدى انيماتسيالىق فيلمى كورسەتىلەدى. قازاقتىڭ عاسىرلار بويى قالىپتاسقان ساياتشىلىق مادەنيەتى تۋرالى سىر شەرتەتىن بۇل انيماتسيالىق تۋىندى بۇركىت پەن ادامنىڭ دوستىعى تۋرالى باياندايدى.
بۇل فيلمدەردى ق ر مادەنيەت جانە سپورت مينيسترلىگى تاپسىرىسى بويىنشا ش. ايمانوۆ اتىنداعى «قازاق فيلم» ا ق تۇسىرگەن.
