تاشكەنت مەترو قۇرىلىسىندا توتەنشە جاعداي: بەس ادام قازا بولدى
توتەنشە جاعداي 18-جەلتوقساندا جەرگىلىكتى ۋاقىت بويىنشا ساعات 10.00-دە قۇرىلىستىڭ اشىق الاڭىندا بولدى. شامامەن 250 تەكشە مەتر اۋماقتىڭ توپىراعى قۇلاعان. ءورت سوندىرۋشىلەر كۇنى بويى شۇڭقىرداعى سۋدى سورىپ الدى.
قۇتقارۋشىلار وقيعا ورنىنان بەس ادامنىڭ ءمايىتىن تاۋىپ، انىقتادى. 1999 -جىلى تۋىلعان د. ابدۋللايەۆتىڭ، 1986 -جىلى تۋعان ا. ديەروۆتىڭ، 1989 -جىلى تۋىلعان دج. راۆشانوۆتىڭ، 1956 -جىلى تۋعان ت. ابدۋللايەۆتىڭ جانە 1996 -جىلى تۋعان ي. راحماتوۆتىڭ دەنەسى شۇڭقىردان شىعارىلدى.
«مەن تەلەفونمەن سويلەسىپ تۇردىم. سويلەسىپ بولعاندا ءبىر نارسە جانىپ كەتتى. كابەل سىمى جانىپ جاتقانداي اسەر ەتتى. وتە ءبىر قورقىنىشتى جاعداي بولدى. سودان كەيىن بەتون قۇلاپ كەتتى. مەن اعامدى ىزدەي باستادىم. مەنىڭ اعام جانە ءبىزدىڭ بريگاداداعى تاعى ءتورت ادام توپىراقتىڭ استىندا قالدى»، - دەپ حابارلاعان وقيعا ورنىندا بولعان جۇمىسشىنىڭ ءبىرى UZREPORT TV تىلشىلەرىنە.
اپاتتىڭ سالدارىن جويۋعا ت ج م كۇشتەرى، تاشكەنت قالاسى اكىمدىگى جانە مەردىگەر قۇرىلىس ۇيىمدارى جۇمىلدىرىلدى.
