10:21, 19 - جەلتوقسان 2019 | GMT +5
ءورت شىققان جولاۋشىلار ۇشاعى شۇعىل قونۋعا ءماجبۇر بولدى
نۇر-سۇلتان. قازاقپارات - جاپونيانىڭ All Nippon Airways (ANA) اۋە كومپانياسىنىڭ Boeing-767 جولاۋشىلار ۇشاعى بەيسەنبى كۇنى ەلدىڭ وڭتۇستىك- باتىسىنداعى كيۋسيۋ ارالىندا فۋكۋوكا قالاسىنداعى اۋەجايعا قونۋعا ءماجبۇر بولدى، دەپ حابارلايدى قازاقپارات Kyodo اقپارات اگەنتتىگىنە سىلتەمە جاساپ.
بۇدان بۇرىن ۇشاقتىڭ كومانديرى اۋە كەمەسىنىڭ وڭ جاق قوزعالتقىشىندا ءورت شىققانىن حابارلاعان بولاتىن.
لاينەر مۇنىڭ الدىندا فۋكۋوكيدەن جاپونياداعى ەڭ ءىرى اۋەجايلاردىڭ ءبىرى سانالاتىن توكيودا ورنالاسقان حانەداعا ۇشىپ بارعان ەدى.
ونىڭ بورتىندا ەكيپاج مۇشەلەرىن قوسقاندا 278 ادام بولعان. اگەنتتىكتىڭ دەرەگى بويىنشا، ەشكىم زارداپ شەكپەگەن.
