09:20, 19 - جەلتوقسان 2019 | GMT +5
ەلوردانىڭ ەڭ سۇلۋ بويجەتكەنى بەلگىلى بولدى
نۇر-سۇلتان. قازاقپارات - بۇگىن ەلوردادا «استانا ارۋى - 2019» بايقاۋىنىڭ جەڭىمپازى انىقتالدى، دەپ حابارلايدى قازاقپارات ءتىلشىسى.
سۇلۋلىق بايقاۋىنىڭ جەڭىمپازى - ايزادا حابيبوللا.
«استانا ارۋى-2019» بايقاۋىنىڭ جەڭىمپازىنا «استانا ارۋى-2018» بايقاۋىنىڭ جەڭىمپازى ءتاجىن سىيلادى.
«بۇل بايقاۋدا قاتىسۋشىلاردىڭ ءار قىرىن باعالادىق. بىرەۋى كوركىمەن، بىرەۋى اقىلىمەن، ەندى ءبىرى حاريزماسىمەن ەرەكشەلەندى. بۇل بايقاۋ جالعاسىن تابا بەرسىن، دامي بەرسىن»، - دەيدى ءادىلقازىلار القاسىنىڭ مۇشەسى سەرىك ساپيەۆ.
ەسكە سالا كەتسەك، بۇگىن ەلوردادا «استانا ارۋى 2019» بايقاۋى ءوتىپ جاتقانىن جازعان بولاتىنبىز.
نۇر-سۇلتان قالاسىنىڭ باستى ارۋى تيتۋلىنا 19-24 جاس ارالىعىنداعى 583 بويجەتكەن ءۇمىتتى بولىپ، فينالعا 19 قىز ىرىكتەلدى.
اۆتور: زارينا قاھارمان
