الماتى وبلىسىندا ۇيلەردى توناعان قىلمىستىق توپ ۇستالدى
الماتى وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، ولاردىڭ قارعالى، ۇزىناعاش جانە قاينازار ەلدىمەكەندەرىندەگى ۇيلەردەن اقشا، باعالى زاتتاردى، زەرگەرلىك بۇيىمدار مەن تۇرمىستىق تەحنيكالاردى ۇرلاعانى بەلگىلى بولدى. سۋبارۋ كولىگىنە مىنگەن قىلمىستىق توپ وكىلدەرىنىڭ سوڭعى ەكى اي ىشىندە 16 ۇرلىق دەرەگىنە قاتىسى بارى دالەلدەندى. ولاردى ۇستاۋ كەزىندە قولدى بولعان زەرگەرلىك بۇيىمدار مەن ۇيالى تەلەفوندار تابىلىپ، ءىس ماتەريالدارىنا ايعاق زات رەتىندە تىركەلدى.
«ۇستالعان كۇدىكتىلەردىڭ ەڭ ۇلكەنى 1988 -جىلعى بولسا، كىشىسى كامەلەتتىك جاسقا بيىل تولعان. ولار بۇعان دەيىن سوتتالماعانى انىقتالدى. اتالعان دەرەكتەر بويىنشا قر قىلمىستىق كودەكسىنىڭ 188-بابىنا سايكەس سوتقا دەيىنگى تەرگەۋ امالدارى جۇرگىزىلىپ جاتىر. زارداپ شەگۋشىلەرگە كەلتىرىلگەن ماتەريالدىق شىعىن ەسەپتەلۋدە»، - دەپ تولىقتىردى وبلىستىق پوليتسيانىڭ رەسمي وكىلى سەرىك ۇپيەۆ.
كۇدىكتىلەر اۋداندىق سوتتىڭ شەشىمىمەن قاماققا الىندى. تەرگەۋ بارىسىندا ءتارتىپ ساقشىلارى ولاردىڭ بۇدان وزگە دە قىلمىستارعا قاتىسى بارىن انىقتايتىن بولادى. توپ مۇشەلەرىنە تيەسىلى اۆتوكولىك ءتيىستى اۆتوتۇراققا قويىلدى.
اۆتور: سامال قابىشەۆا
