اقمولالىقتاردى الەۋمەتتىك جەلى ارقىلى قورقىتقان ەر ادام ۇستالدى

كوكشەتاۋ. قازاقپارات - اقمولا وبلىسىندا الەۋمەتتىك جەلى ارقىلى قورقىتۋ حابارلاماسىن تاراتقان كۇدىكتى ۇستالدى، دەپ حابارلايدى قازاقپارات ءتىلشىسى وبلىستىق پ د باسپا ءسوز قىزمەتىنە سىلتەمە جاساپ.

ۆەدومستۆونىڭ دەرەگى بويىنشا، پوليتسياعا ءوڭىردىڭ ءبىرقاتار تۇرعىنى حابارلاسىپ، بەلگىسىز ەر ادام ولاردىڭ الەۋمەتتىك جەلىدەگى اككاۋنتتارى ارقىلى قورقىتقانىن ايتقان. كۇدىكتى تۇرعىنداردىڭ وزدەرىنە جانە بالالارىنا قاتىستى ءولتىرۋ جانە زورلىق تاقىرىبىندا حابارلاما جولداعان. سونىمەن قاتار، ول ماتىندىك حابارلامادان بولەك، جامان پيعىلداعى سۋرەتتەر جىبەرگەن.

بەلگىلى بولعانداي، ەر ادامنىڭ «ودنوكلاسسنيكي» الەۋمەتتىك جەلىدەگى پاراقشاسى جالعان بولىپ شىقتى. ول جەلى قولدانۋشىلاردىڭ اشىق پاراقشالارىنا كىرىپ، بالالاردىڭ سۋرەتتەرىن جۇكتەپ العان. كەيىن قورقىتۋ حابارلاماسىن جولداعان. قازىرگى كەزدە، وسىنداي 9 وقيعا تىركەلىپ، ونىڭ اربىرەۋى بويىنشا ق ر ق ك 115-بابى بويىنشا سوتقا دەيىنگى تەرگەۋ امالدارى جۇرگىزىلۋدە.

«جەدەل-ىزدەستىرۋ شاراسى كەزىندە كريمينالدىق پوليتسيا قىزمەتكەرلەرى اقمولا وبلىسىنىڭ اۋماعىندا كۇدىكتى رەتىندە جەرگىلىكتى تۇرعىندى ۇستادى. ەر ادامنان الەۋمەتتىك جەلىگە جالعان اككاۋنتپەن تىركەلگەن ۇيالى تەلەفون جانە حابارلاما مەن فوتوسۋرەتتەر تاركىلەندى»، - دەيدى ۆەدومستۆودان.

اۆتور: اسلان وسپانوۆ