اتىراۋ وبلىسىنا جاڭا اكىم تاعايىندالدى

نۇر- سۇلتان. قازاقپارات - قازاقستان رەسپۋبليكاسىنىڭ پرەزيدەنتى قاسىم- جومارت توقايەۆتىڭ جارلىعىمەن اتىراۋ وبلىسىنا جاڭا اكىم تاعايىندالدى. بۇل تۋرالى اقوردانىڭ باسپا ءسوز قىزمەتى حابارلايدى.

 ماحامبەت جولداسقالي ۇلى دوسمۇحامبەتوۆ اتىراۋ وبلىسىنىڭ اكىمى بولىپ تاعايىندالسىن.

قازاقستان رەسپۋبليكاسىنىڭ

 پرەزيدەنتى ق. توقايەۆ

نۇر- سۇلتان، اقوردا، 2019 -جىلعى 18 - جەلتوقسان

№ 219

ماحامبەت دوسمۇحامبەتوۆ  1960 -جىلى 25 - جەلتوقساندا اتىراۋ وبلىسىندا دۇنيەگە كەلگەن. 1983 -جىلى ي. م. گۋبكين اتىنداعى ماسكەۋ مۇناي- حيميا جانە گاز ونەركاسىبى ينستيتۋتىن «گەولوگيا جانە مۇناي - گاز كەن ورىندارىن بارلاۋ» ماماندىعى بويىنشا بىتىرگەن، 2016 -جىلى - قازاق مەملەكەتتىك زاڭ ۋنيۆەرسيتەتى، ىسكەري اكىمشىلىك ەتۋ ماگيسترى بولعان.

ەڭبەك جولىن 1983 -جىلى «ەمبى مۇناي» بىرلەستىگىنىڭ بالىقشى بارلاۋ بۇرعىلاۋ باسقارماسىنىڭ گەولوگى رەتىندە باستاعان.

ءتۇرلى جىلدارى «ماڭعىستاۋ مۇنايگاز» اق- دا باس گەولوگ، گەولوگيا جانە گەوفيزيكا بويىنشا باس ديرەكتوردىڭ ورىنباسارى، گەولوگيا جانە وڭدەۋ بويىنشا باس ديرەكتوردىڭ ورىنباسارى، باس ديرەكتوردىڭ ءبىرىنشى ورىنباسارى - باسقارما مۇشەسى بولعان.

سوڭعى جىلدارى «ەمبى مۇنايگاز» ا ق باس ديرەكتورى (باسقارما ءتوراعاسى)، «قازمۇناي گاز» ۇ ك ا ق گەولوگيا بويىنشا باسقارۋشى ديرەكتورى - باس گەولوگ، ءىرى جوبالار بويىنشا باسقارما ءتوراعاسىنىڭ ورىنباسارى جانە ءىرى وپەراتسيالىق ەمەس اكتيۆتەر جانە تەڭىز جوبالارى بويىنشا باس ۆيتسە- پرەزيدەنتى لاۋازىمدارىن اتقارعان.

2016 -جىلدان بەرى ق ر ءبىرىنشى ەنەرگەتيكا ۆيتسە- ءمينيسترى بولدى.

«قازاقستان رەسپۋبليكاسىنىڭ تاۋەلسىزدىگىنە 10 جىل» (2001) مەدالىمەن، العىس حاتتارمەن، قۇرمەت گراموتالارىمەن، توسبەلگىلەرمەن ماراپاتتالعان.