نۇرلان نوعايەۆ ەنەرگەتيكا ءمينيسترى قىزمەتىنە تاعايىندالدى
«نۇرلان اسقار ۇلى نوعايەۆ قازاقستان رەسپۋبليكاسىنىڭ ەنەرگەتيكا ءمينيسترى بولىپ تاعايىندالسىن، ول اتىراۋ وبلىسىنىڭ اكىمى قىزمەتىنەن بوساتىلسىن»، - دەلىنگەن قۇجاتتا.
قازاقستان رەسپۋبليكاسىنىڭ
پرەزيدەنتى ق. توقايەۆ
نۇر- سۇلتان، اقوردا، 2019 -جىلعى 18 - جەلتوقسان
№ 218
نوعايەۆ نۇرلان اسقار ۇلى 1967 -جىلى تۋعان. ءبىلىمى جوعارى، ي. گۋبكين اتىنداعى ماسكەۋ مەملەكەتتىك مۇناي جانە گاز اكادەمياسىن، قازاق مەملەكەتتىك باسقارۋ اكادەمياسىن، رەسەي سىرتقى ىستەر مينيسترلىگى جانىنداعى «حالىقارالىق قاتىناستار ۋنيۆەرسيتەتى» ماسكەۋ مەملەكەتتىك ينستيتۋتىن تاۋ- كەن ينجەنەرى، ەكونوميست، حالىقارالىق قاتىناستار مامانى، اكىمشىلىك ىسكەرلىك جونىندەگى شەبەر ماماندىقتارى بويىنشا ءبىتىرىپ شىققان.
ەڭبەك جولىن اقتوبە وبلىسى، قاندىاعاش ستانتسياسىندا ەلەكتر شەبەرى بولىپ باستاعان.
1993- 1995 ج. ج. - ماسكەۋ قالاسىنداعى «گيلي- پاسكەر» جشس- دە مۇناي ونىمدەرى جونىندەگى اعا ساراپشى، ءبولىم باستىعى، باس ديرەكتور.
1995- 1996 ج. ج. — الماتى قالاسىنداعى «وترار ل ت د» شاعىن كاسىپورنى باس ديرەكتورىنىڭ ورىنباسارى.
1996- 2006 ج. ج. — «قازاق تۇرىك مۇناي» ج ش س- دە ينجەنەر، باس ديرەكتور.
2006 -جىلدىڭ اقپان ايىنان تامىز ايىنا دەيىن — «قازمۇنايگاز ۇلتتىق كومپانياسى» ا ق- نىڭ اتقارۋشى ديرەكتورى.
2006 -جىلدىڭ تامىز ايىنان ق ر ەنەرگەتيكا جانە مينەرالدى رەسۋرستار مينيسترلىگى مۇناي ونەركاسىبى دەپارتامەنتىنىڭ ديرەكتورى بولىپ ىستەگەن.
2007 -جىلدىڭ قىركۇيەگىنەن 2010 -جىلدىڭ ءساۋىر ايىنا دەيىن — باتىس قازاقستان وبلىسى اكىمىنىڭ ورىنباسارى.
2010 -جىلدىڭ ءساۋىر ايىنان 2012 -جىلدىڭ قاڭتارىنا دەيىن وبلىس اكىمىنىڭ ءبىرىنشى ورىنباسارى.
2012 -جىلدىڭ 20 - قاڭتارىندا مەملەكەت باسشىسىنىڭ جارلىعىمەن باتىس قازاقستان وبلىسىنىڭ اكىمى بولىپ تاعايىندالدى.
2016 -جىلدىڭ 26 - ناۋرىزىنان اتىراۋ وبلىسىنىڭ اكىمى.
2010 -جىلى «قۇرمەت» وردەنىمەن ماراپاتتالعان.
فوتو: atr.kz
