شاينالعان شايىر ارقىلى تاس عاسىرىنداعى ايەلدىڭ بەينەسى جاسالدى

كوپەنگاگەن. قازاقپارات - عالىمدار ەجەلگى ساعىزدا قالعان ءتىس ىزدەرىنەن د ن ق الىپ، 6000 جىل بۇرىن ءومىر سۇرگەن ايەلدىڭ گەنەتيكالىق كودىن جاسادى، دەپ حابارلايدى قازاقپارات BBC- گە سىلتەمە جاساپ.

عالىمداردىڭ ايتۋىنشا، ادام گەنومى سۇيەكتەن ەمەس، باسقا زاتتان ءبىرىنشى رەت الىنىپ تۇر.

د ن ق قابىقتى قىزدىرۋ جولىمەن الىنعان قارا- قوڭىر ءتۇستى قايىڭ سمولاسىنان تابىلعان.

BBC مالىمەتىنە سەنسەك، ەجەلگى ايەلدىڭ تەرىسى - قاراتورى، شاشى - قوشقىل قوڭىر جانە كوزى كوك ءتۇستى بولعان.

كوپەنگاگەن ۋنيۆەرسيتەتىنىڭ دوكتورى حاننەس شرەدەر اعاش شايىرىنان جاسالعان ساعىز وتە باعالى د ن ق كوزى ەكەنىن ايتتى.

گەنەتيكالىق كودقا سەنسەك، ايەل ەۋروپا قۇرلىعىنىڭ اڭشىلار توبىنا جاتادى. ول باتىس ەۋروپادان مۇزداردىڭ ەرۋىنەن كەيىن قونىس اۋدارعان ادامدارمەن بىرگە كەلگەن دەگەن بولجام بار.

سونىمەن قاتار، ساعىزدان سول زامانداعى ادامداردىڭ نەگىزگى تاعامى بولعان ورمان جاڭعاعى مەن جابايى ۇيرەكتىڭ د ن ق- سى تابىلعان.