س ءى م مىسىرداعى قازاقستاندىق ديپلوماتتىڭ قازاسىنا قاتىستى قاۋەسەتتى جوققا شىعاردى

نۇر- سۇلتان. قازاقپارات – ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ قازاقستان رەسپۋبليكاسىنىڭ ەگيپەتتەگى ەلشىلىگىنىڭ قىزمەتكەرى ەلامان جولداسوۆتىڭ قازاسىنا قاتىستى قاۋەسەتكە تۇسىنىك بەردى، دەپ حابارلايدى قازاقپارات ءتىلشىسى.

«بۇل قاۋەسەت شىندىققا جاناسپايدى. ول تابىلعان كەزدە موينى باسپالداقتىڭ ۇستىنە اسىلعان جىپكە ورالىپ تۇردى. العاشقى تەكسەرىس كەزىندە دەنەسىندە ەشقانداي داق، كوگەرۋ، قانداي دا ءبىر جاراقات بولعان جوق. اياق- قولى بايلانباعان ەدى»، - دەدى ايبەك سمادياروۆ  س ءى م بريفينگىندە.

ونىڭ ايتۋىنشا، وقيعا ورنىنان الىنعان فوتو جانە بەينەماتەريالدار بۇل اقپاراتتى راستايدى.

ەستەرىڭىزگە سالا كەتەيىك، بۇعان دەيىن س ءى م ەگيپەتتە ءوز قىزمەتكەرىنىڭ قايتىس بولعانىن راستاعان بولاتىن. كەيبىر اقپارات قۇرالدارى قازاقستاندىق ديپلوماتتىڭ ءولىمىنىڭ جۇمباق ءمان- جايى تۋرالى حابارلاعان ەدى. اتاپ ايتقاندا، ە. جولداسوۆتىڭ كىرەبەرىستە قولدارى ارتىنا بايلانىپ، ءولى كۇيىندە تابىلعانى تۋرالى اقپارات جاريالاندى.

اۆتور: زارينا قاھارمان