ءار اي سايىن بايىرعى حالىقتاردىڭ ەكى ءتىلى جويىلادى - ب ۇ ۇ

نۇر- سۇلتان. قازاقپارات - حالىقارالىق قاۋىمداستىق قانشا كۇش سالعانىمەن، ءار ايدا بايىرعى حالىق وكىلدەرى سويلەيتىن ەكى ءتىل جويىلىپ جاتىر. ولارمەن بىرگە ءبىلىم، سالت پەن ءداستۇر قوسا كەتەدى.

 بۇل تۋرالى ب ۇ ۇ باس اسسامبلەياسى 74-سەسسياسىنىڭ ءتوراعاسى تيدجاني مۇحاممەد- باندە مالىمدەدى، دەپ حابارلايدى قازاقپارات «ب ۇ ۇ جاڭالىقتارىنا» سىلتەمە جاساپ.

2019 -جىل ب ۇ ۇ ۇيعارىمىمەن حالىقارالىق بايىرعى تىلدەر جىلى بولىپ جاريالانعان. باس اسسامبلەيا كەشە وسى جىلدىڭ قورىتىندىسىن جاسادى. الەمدە بايىرعى حالىقتاردىڭ 4 مىڭعا جۋىق ءتىلى بار. كەيبىرىندە بىرنەشە ادام عانا سويلەيدى. تيدجانە مۇحاممەد- باندە الداعى ونجىلدىقتا كوپتەگەن تىلدەردىڭ جويىلىپ كەتۋى مۇمكىن ەكەنىن ايتتى.

«ءار ەكى اپتادا كەم دەگەندە ءبىر بايىرعى ۇلتتىڭ ءتىلى جوعالادى. ايىنا - ەكى ءولى ءتىل»، - دەدى تيدجاني مۇحاممەد- باندە.

ءتوراعانىڭ ايتۋىنشا، قازىرگى كۇنى بايىرعى حالىقتاردىڭ ءتورت مىڭداي ءتىلى عانا ساقتالعان، ولاردا الەم حالقىنىڭ 6 پايىزى عانا سويلەيدى.

مۇحاممەد- باندە بارلىق حالىقارالىق ۇيىمداردى ءتىلدى ساقتاۋ شارالارىن كۇشەيتۋگە شاقىردى.