قانات بوزىمبايەۆ مينيستر لاۋازىمىنان نەگە كەتتى
بۇل تۋرالى تەلەگرام كانالىندا ەنەرگەتيكا مينيسترلىگىنىڭ باسپا ءسوز حاتشىسى نۇرلىبەك جەڭىسبەك جازدى.
«قانات بوزىمبايەۆ ومىرتقاسىنىڭ مويىن تۇسىنا جاسالعان وتاعا بايلانىستى ق ر پرەزيدەنتىنە دەنساۋلىعىنىڭ جاي- كۇيىن بايان ەتتى. دارىگەرلەردىڭ كەڭەسى بويىنشا ول كولىكپەن جانە اۋە ۇشاقتارىمەن جاسالاتىن ساپارلاردى ازايتۋى ءتيىس. سونىمەن بىرگە، دارىگەرلەر وعان دەنساۋلىعىن قالپىنا كەلتىرۋ ءۇشىن ۇزاق مەرزىمدى فيزيوتەراپيەۆتى ەم قابىلداۋعا كەڭەس بەرەدى. مينيستر ايماقتارعا، سونىمەن بىرگە ارىپتەستەرىمەن، ينۆەستورلارمەن نەمەسە حالىقارالىق ۇيىم وكىلدەرىمەن (و پ ە ك، ماگاتە جانە تاعى باسقا) كەزدەسۋ ءۇشىن ءجيى ساپارعا شىعادى، ۇشاقپەن دە (سالالىق نىساندارعا، ستانسيالار مەن كەن ورىندارىنا) ءجيى قاتىنايدى»، - دەپ جازدى نۇرلىبەك جەڭىسبەك.
ەسكە سالا كەتسەك، بۇگىن قانات بوزىمبايەۆتىڭ قازاقستان رەسپۋبليكاسى پرەزيدەنتىنىڭ كومەكشىسى بولىپ تاعايىندالعانى حابارلانعان بولاتىن.
اۆتور ايان بەكەن ۇلى
