ەلورداداعى قابانباي باتىر داڭعىلى سەگىز جولاقتى بولادى
«سوڭعى 10 جىل ىشىندە اۆتوموبيل سانى 2 ەسەدەن اسا ۇلعايدى. 200 مىڭ بولعان ەدى، قازىر شامامەن 500 مىڭدى قۇرايدى. بيىل 50 شاقىرىمنان استام جولدى، ياعني 69 كوشەنى جوندەدىك. قابانباي باتىر داڭعىلىنداعى جۇكتەمەگە قاتىستى ماسەلە بار. كۇن سايىن تاڭەرتەڭگى جانە كەشكى قاربالاس شاقتا وسىناۋ ماگيسترالدى جولدا وتە ۇلكەن جۇكتەمە بايقالادى. ءبىز ونى 8 جولاققا دەيىن ۇلعايتامىز. قازىرگى ۋاقىتتا جوبالىق- سمەتالىق قۇجاتتاماسى جەدەل جاسالىپ جاتىر. قابانباي باتىر داڭعىلىندا جانە تۇران داڭعىلىعىندا كوشە قيىلىستارىندا جول ايرىقتارىن سالامىز. ولار تاعا تۇرىندە بولادى. كەلەسى جىلى باستايمىز»، - دەدى التاي كولگىنوۆ.
سونىمەن قاتار ول ەلوردانىڭ وڭ جانە سول جاعالاۋىن قوساتىن 3 كوپىر سالىناتىنىن ايتتى. اتاپ ايتقاندا، ەسىل وزەنى مەن نۇرا- ەسىل ارناسىنان وتەتىن كوپىرلەردىڭ ءبىرى تاۋەلسىزىدك داڭعىلىنىڭ بويىندا، ەكى كوپىر ۇلى دالا بويىندا سالىنادى.
اۆتور: مارلان جيەمباي
