15:26, 18 - جەلتوقسان 2019 | GMT +5
اۋىر اتلەتيكادان وليمپيادالىق دايارلاۋ ورتالىعىنىڭ باسشىسى پارامەن ۇستالدى
الماتى. قازاقپارات - اۋىر اتلەتيكادان وليمپيادالىق دايارلاۋ ورتالىعىنىڭ باسشىسى پارا الدى دەپ ايىپتالۋدا، دەپ حابارلايدى قازاقپارات سىبايلاس جەمقورلىققا قارسى ءىس- قيمىل اگەنتتىگىنە سىلتەمە جاساپ.
الماتى قالاسىنىڭ سىبايلاس جەمقورلىققا قارسى قىزمەتى اۋىر اتلەتيكادان وليمپيادالىق دايارلاۋ ورتالىعىنىڭ باسشىسى مەن وسى كاسىپورىننىڭ باس ەسەپشىسىنە قاتىستى پارا الدى دەگەن كۇدىكپەن سوتقا دەيىنگى تەرگەۋدى باستادى.
«ولار الدىن الا ءسوز بايلاسىپ، جامبىل وبلىسىندا وقۋ- جاتتىعۋ جيىنىن وتكىزۋ بويىنشا مەملەكەتتىك ساتىپ الۋ تۋرالى جاسالعان كەلىسىمشارتقا سىياقى رەتىندە كاسىپكەردەن 6 ميلليون 625 مىڭ تەڭگە كولەمىندە پارا الدى دەگەن كۇدىككە ءىلىندى» دەلىنگەن حابارلامادا.
17 - جەلتوقساندا اتالعان تۇلعالار ۇستالىپ، قامالدى. بۇلتارتپاۋ شاراسىن تاڭداۋ ماسەلەسى شەشىلۋدە. سوتقا دەيىنگى تەرگەۋ جالعاسۋدا.
كۇدىكتىلەرگە قاتىستى تۇپكىلىكتى شەشىمدى سوت شىعارادى.
