مينيستر «بايتەرەك» كەشەنىنىڭ ەكولوگيالىق قاۋىپسىزدىگى تۋرالى ءتۇسىندىردى

«حاتتامانىڭ ءبىرىنشى بابىندا «بايتەرەك» كەشەنى ەكولوگيالىق قاۋىپسىزدىك دەڭگەيى جوعارى تاسىمالداعىش زىمىرانداردى ۇشىرۋعا ارنالاتىنى اتاپ وتىلگەن. وسىعان بايلانىستى «بايتەرەك» كەشەنىنەن ۇشىرۋ ءۇشىن قانداي تاسىمالداعىش زىمىراندار قولدانىلادى؟»، - دەپ سۇرادى دەپۋتات بەكبولات تىلەۋحان پارلامەنت ءماجىلىسىنىڭ جالپى وتىرىسىندا.

ءوز كەزەگىندە مينيستر ا. جۇماعاليەۆ «پروتون» ەكولوگيالىق جاعىنان ءتيىمسىز ەكەنىن، ويتكەنى بۇل تاسىمالداعىش زىمىراندا گەپتيل وتىنى پايدالانىلاتىنىن جەتكىزدى.

«سويۋز-5» تاسىمالداعىشىندا گەپتيل وتىنى پايدالانىلمايدى، ياعني وندا وتتەگى مەن كەروسين وتىنى بولادى. وسى ورايدا ەكولوگيالىق جاعىنان الدەقايدا تيىمدىرەك. بۇل رەتتە ەكولوگيالىق تۇرعىدا ماسەلە تۋىندامايدى. سونىمەن قاتار، كوممەرتسيالىق جاعىنان «سويۋز-5» زىمىرىن تاسىمالداعىشى «پروتونمەن» سالىستىرعاندا ءتيىمدى»، - دەدى اسقار جۇماعاليەۆ.

بۇدان بۇرىن حابارلانعانداي، ءماجىلىستىڭ جالپى وتىرىسىندا «2004-جىلعى 22- جەلتوقسانداعى ق ر ۇكىمەتى مەن ر ف ۇكىمەتى اراسىنداعى «بايقوڭىر» عارىش ايلاعىندا «بايتەرەك» عارىش زىمىران كەشەنىن قۇرۋ تۋرالى كەلىسىمگە وزگەرىستەر مەن تولىقتىرۋلار ەنگىزۋ تۋرالى حاتتامانى راتيفيكاتسيالاۋ تۋرال» زاڭ جوباسى ماقۇلداندى.

وسى جوبادا رەسەي تاراپى «سويۋز-5» زىمىراندى، تەحنيكالىق جانە ستارتتىق كەشەندەرىندە باقىلاۋ-تەكسەرۋ جابدىقتارىن قۇرۋدى، سونداي-اق ۇدەمەلى بلوكتىڭ تەحنيكالىق كەشەنىن، عارىش اپپاراتىن جانە عارىشتىق باستيەك بولىگىن جاڭعىرتۋدى قامتاماسىز ەتەدى. وسى جۇمىستار 916 ميلليون ا ق ش دوللارى سوماسىندا باعالاندى. جاڭعىرتۋ ماقساتىندا 2018-جىلى «بايقوڭىر» ايلاعىنىڭ 42,43 جانە 45- الاڭدارىندا ورنالاسقان «زەنيت- م» كەشەنىنىڭ 243 نىسانى قازاقستان تاراپىنا بەرىلدى. قازاقستان تاراپى «زەنيت-م» كەشەنىنىڭ جەرۇستى ينفراقۇرىلىمى نىساندارىن قايتا جاڭارتۋ مەن جاڭعىرتۋ جۇمىستارىن جۇرگىزەدى.