14:58, 18 - جەلتوقسان 2019 | GMT +5
گولوۆكيننىڭ تيتۋلدىق جەكپە-جەگى وتەتىن كۇننىڭ نەلىكتەن وزگەرگەنى بەلگىلى بولدى
نۇر-سۇلتان. قازاقپارات - قازاقستاندىق گەننادي گولوۆكين مەن پولشالىق كاميل شەرەمەتتىڭ IBF الەم چەمپيونى اتاعى ءۇشىن بولاتىن ايقاسى اقپان ايىنان ناۋرىزعا اۋىسقانى بەلگىلى بولدى، دەپ حابارلايدى قازاقپارات sports.kz-كە سىلتەمە جاساپ.
بۇل تۋرالى RingPolska بەرگەن سۇحباتىندا شەرەمەتتىڭ پروموۋتەرى ايتتى. اۋەلدە جەكپە-جەك 8- اقپانعا جوسپارلانىپ، وسى ايدىڭ 29 ى كۇنى GGG ورالۋى كەرەك ەدى. دەگەنمەن، كەيىنىرەك بۇل كۇنى، ياعني 29- اقپاندا ءتورت سالماق دارەجەسى بويىنشا ەكس-چەمپيون، جاقىندا عانا ەددي حيرننىڭ Matchroom Boxing كومپانياسى مەن DAZN ستريمينگتى پلاتفورماسىمەن كەلىسىمشارت جاساعان مايكي گارسيانىڭ دەبيۋت جاسايتىنى بەلگىلى بولدى.
ەستەرىڭىزگە سالا كەتەيىك، گولوۆكين 5- قازاندا جەڭىپ العان IBF تيتۋلىن شەرەمەتپەن وتەتىن جەكپە-جەكتە العاش رەت قورعايدى.
