توكيودا وليمپيادا ستاديونى رەسمي اشىلدى
سالتاناتتى راسىمگە جاپونيانىڭ پرەمەر-ءمينيسترى سيندزو ابە، توكيو گۋبەرناتورى يۋريكو كويكە جانە ساۋلەتشى كەنگو كۋما مەن ب ا ق وكىلدەرى قاتىسىپ، وليمپيادا ويىنداردىڭ بەلگىسى بولاتىن نىساندى كورىپ شىقتى.
وليمپيادا جانە پاراليمپيادا ويىندارىنىڭ اشىلۋ جانە جابىلۋى وتەتىن، فۋتبول ماتچتارىن وتكىزەتىن ورىن كورەرمەندەرگە ۇمتىلماس اسەر قالدىراتىنى انىق.
«ءبىز بۇكىل الەمنىڭ سپورتشىلارىن 2020-جىلدىڭ 24- شىلدەسىندە وتەتىن وليمپيادا جانە 2020-جىلدىڭ 25- تامىزىندا بولاتىن پاراليمپيادا ويىندارىنىڭ اشىلۋ سالتاناتىندا دۇنيەجۇزى كوز تىگەتىن توكيو 2020 ويىندارىن وسى ستاديوندا كورەتىنىمىزگە قۋانىشتىمىز»، - دەدى توكيو 2020 وليمپيادا ويىندارىنىڭ ۇيىمداستىرۋ كوميتەتىنىڭ باس ديرەكتورى توشيرو مۋتو.
بۇل ورىننىڭ جوباسىن قۇراستىرعان تانىمال ساۋلەتشى كەنگو كۋما نەگىزگى باسىمدىقتى ەكولوگيالىق مانگە بەرگەن. وسىنى ەسكەرە وتىرىپ، ستاديون اينالاسىنداعى تابيعاتقا، ونىڭ ىشىندە مەيدجي تسزين عيباداتحاناسىنىڭ جانىنداعى ۇلكەن جاسىل ايماققا سايكەس كەلۋى كەرەك ەكەنىنە ءمان بەرگەن. سوندىقتان كۋما عيمارات «جاندى اعاش» دەپ ءوزى اتاعان اعاشتار مەن تالداردان تۇرۋى كەرەك دەپ شەشكەن.
ستاديون اۋماعىندا 47 مىڭنان استام ورتاشا جانە الاسا اعاش وتىرعىزىلدى.
وليمپيادا ستاديونىندا 2020-جىلدىڭ 1- قاڭتارىندا JFA فۋتبولدان جاپونيا يمپەراتورىنىڭ 99-كۋبوگى وتەدى.
