14:16, 17 - جەلتوقسان 2019 | GMT +5
يليا يلين قول كۇرەسىنەن الەم چەمپيوناتىندا قولا جۇلدەگەر اتاندى
كوكشەتاۋ. قازاقپارات - اقمولالىق ارمرەستلەر يليا يلين پولشادا وتكەن قول كۇرەسى بويىنشا الەم چەمپيوناتىندا قولا جۇلدەگەر اتاندى، دەپ حابارلايدى قازاقپارات ءتىلشىسى وبلىستىق دەنەشىنىقتىرۋ جانە سپورت باسقارماسىنىڭ باسپا ءسوز قىزمەتىنە سىلتەمە جاساپ.
ۆەدومستۆونىڭ مالىمەتىنشە، رۋميا قالاسىندا وتكەن جارىسقا الەمنىڭ 30 ەلىنەن كەلگەن 500 گە جۋىق كاسىبي قول كۇرەسى شەبەرلەرى قاتىسىپ، باق سىنادى.
«105 كەلىگە دەيىنگى سالماقتاعىلار اراسىندا اقمولا وبلىسىنان بارعان ارمرەستلەر يليا يلين الەم چەمپيوناتىنىڭ قولا جۇلدەگەرى اتاندى»، - دەيدى وبلىستىق دەنەشىنىقتىرۋ جانە سپورت باسقارماسىنىڭ باسپا ءسوز حاتشىسى ماحاببات بولشينا.
