تاۋەلسىزدىك كۇنىنىڭ قۇرمەتىنە نۇر-سۇلتاندا مەرەكەلىك وتشاشۋ بولدى

نۇر-سۇلتان. قازاقپارات - ۇيىمداستىرۋشىلاردىڭ سوزىنشە، وتشاشۋ شىعىنى تولىقتاي دەمەۋشىلەردىڭ ەسەبىنەن بولعان، دەپ حابارلايدى قازاقپارات.

ايتا كەتەيىك، ەلوردا تۇرعىندارى مەن قوناقتارىنا وتشاشۋدى حان شاتىر عيماراتىنىڭ ماڭىندا ەسىل وزەنىنىڭ جاعالاۋىنان كورۋگە مۇمكىندىك جاسالدى. سونىمەن قاتار ابىلاي حان مەن پۋشكين كوشەلەرىنىڭ قيىلىسىنان دا باقىلاۋعا بولاتىن ەدى.

بۇل رەتتە ۇيىمداستىرۋشىلار وتشاشۋدى قالانىڭ بيىك قورشاۋى جوق كەز كەلگەن ايماعىنان كورىنەتىندەي ەتىپ ۇيىمداستىرعان.

قالا اكىمدىگىنىڭ حابارلاۋىنشا، وتشاشۋ جەرگىلىكتى ۋاقىت بويىنشا ساعات 21:00 دە باستالدى. ونىڭ بيىكتىگى 210 مەتردى قۇرادى، ال ۇزاقتىعى 10 مينۋتقا سوزىلدى. ءار نۇكتەدەن 4500 دەن 5000 عا دەيىن اتۋ جوسپارلاندى.

ۇيىمداستىرۋشىلاردىڭ ايتۋىنشا، وتشاشۋدى ۇيىمداستىرۋ ءۇشىن مەملەكەت بيۋجەتىنەن قارجى بولىنبەگەن. ول تولىقتاي دەمەۋشىلەردىڭ ەسەبىنەن ىسكە اسىرىلعان.