12:52, 17 - جەلتوقسان 2019 | GMT +5
ءانشى ديماش قۇدايبەرگەن قازاقستاندىقتاردى تاۋەلسىزدىك كۇنىمەن قۇتتىقتادى
نۇر-سۇلتان. قازاقپارات - قازاقستاندىق ءانشى ديماش قۇدايبەرگەن ەل تۇرعىندارىن تاۋەلسىزدىك كۇنى مەرەكەسىمەن قۇتتىقتادى، دەپ حابارلايدى قازاقپارات ءانشىنىڭ Instagram جەلىسىندەگى پاراقشاسىنا سىلتەمە جاساپ.
«ۇلتتىق قاسيەتىمىز بەن ۇلتتىق قۇندىلىقتارىمىزدى ۇلىقتاپ، ۇلتتىق نامىسىمىزدى وياتقان، الەمگە قازاقتى ازاتتىق سۇيگىش، رۋحى بيىك، نامىسى بەرىك حالىق رەتىندە جاريالاعان تاۋەلسىزدىك كۇنى قۇتتى بولسىن!»، - دەپ جازدى ول.
ايتا كەتەيىك، ديماش قۇدايبەرگەن ەلورداداعى استانا وپەرا جانە بالەت تەاترىنداعى تاۋەلسىزدىك كۇنىنە ارنالعان كونسەرتتە ءان شىرقادى.
