سەمەيدىڭ قالالىق مادەنيەت ۇيىنە بيبىگۇل تولەگەنوۆانىڭ ەسىمى بەرىلەدى

سەمەي. قازاقپارات - سەمەيدە قالالىق مادەنيەت ۇيىنە سوتسياليستىك ەڭبەك ەرى، ك س ر و حالىق ءارتىسى، س س س ر مەملەكەتتىك سىيلىعىنىڭ لاۋرەاتى بيبىگۇل تولەگەنوۆانىڭ ەسىمى بەرىلەدى، دەپ حابارلايدى «قازاقپارات» ح ا ا ءتىلشىسى.

ق ر تاۋەلسىزدىك كۇنىنە وراي جاڭا كوپ فۋنكتسيالى مادەني-سپورتتىق كەشەندە ۇلكەن كونسەرت ءوتتى. سەمەي اكىمى ەرماك ءسالىموۆ قالا تۇرعىندارىن مەرەكەمەن قۇتتىقتاپ، 16- جەلتوقساندا جەرلەستەرى ۇلى دالانىڭ بۇلبۇلى بيبىگۇل احمەت قىزى تولەگەنوۆانىڭ 90 جاسقا تولاتىنىن حابارلادى.

«بيبىگۇل احمەت قىزى تولەگەنوۆا يۋنەسكودا ⅩⅩ عاسىرداعى عاسىردىڭ كورنەكتى 20 ايەلىنىڭ ءبىرى رەتىندە يۋنەسكو تىزىمىنە ەنگەن. بيبىگۇل احمەت قىزىنا قۇرمەت كورسەتە وتىرىپ، ءبىز سەمەي جەرىنىڭ شىن مانىندە كيەلى ەكەنىن تاعى ءبىر رەت اتاپ وتكىمىز كەلەدى. بىزدە ماقتاناتىن دۇنيەلەر بار!»، - دەدى ءوزىنىڭ قۇتتىقتاۋ سوزىندە ەرماك ءسالىموۆ.

سونىمەن قاتار، اكىم سەمەيدەگى قالالىق مادەنيەت ۇيىنە بيبىگۇل تولەگەنوۆانىڭ ەسىمىن بەرۋ ءۇشىن دايىندىق جۇمىستارى جۇرگىزىلىپ جاتقاندىعىن باسا ايتتى.

«قازاقستان رەسپۋبليكاسىنىڭ باستى ۇلتتىق مەرەكەسى - تاۋەلسىزدىك كۇنىمەن شىن جۇرەكتەن قۇتتىقتايمىن. اماندىق، بارلىق ىستەرىڭىزگە ساتتىلىك جانە وتانىمىز - قازاقستان رەسپۋبليكاسىنىڭ يگىلىگى جولىنداعى ەڭبەكتەرىڭىزگە ساتتىلىك تىلەيمىن!»، - دەپ ءسوزىن قورىتىندىلادى قالا باسشىسى.

سالتاناتتى جيىن بارىسىندا مەرەكەلىك كونسەرت ءوتىپ، قالا تۇرعىندارىنا ماراپاتتار تابىستالدى.