ادىلبەك نيازىمبەتوۆ قاشان ۇيلەنەتىنىن ايتتى
بەلگىلى بولعانداي، سپورتشىنىڭ جۇرەگى بوس. بىلعارى قولعاپ شەبەرى ارمانىنداعى ارۋدى ءالى تاپپاعان دەپ جازادى «ShowNewsKZ» .
ادىلبەك ومىرلىك جارىن ءالى جولىقتىرماعانىن العا تارتقانىمەن، كەلەر جىلى شاڭىراق كوتەرۋدى جوسپارلاپ وتىرعانىن ايتادى.
بوكسشى جۇرەگىنىڭ جارتىسىن تاۋىپ قالارىنا ءۇمىتتى.
«ءوزىمنىڭ ادامىمدى ءالى تاپپادىم دەپ ويلايمىن. كەلەسى جىلعا جوسپارلاپ وتىرمىز. تابىلىپ قالار ەندى، بۇيىرعانى»، - دەگەن سپورتشى بولاشاق جۇبايىنا قويار تالاپتارىن دا اتاپ ءوتتى.
«ەڭ ءبىرىنشى ادامنىڭ ءبىر-بىرىنە دەگەن سىيلاستىعى عوي. سىيلاسىپ بىلسە.
قىزدىڭ تازالىعى، كۇيەۋىنە، جىگىتىنە دەگەن سۇيىسپەنشىلىگى، ۇلكەندەردى سىيلاپ، قۇرمەتتەپ بىلسە ءبارى جاقسى بولادى. قالعاندارى ۋاقىت-ۋاقىتىمەن كەلەدى، ۇيرەتۋگە بولادى دەپ ويلايمىن»، - دەيدى ادىلبەك نيازىمبەتوۆ.
ايتا كەتەيىك، ادىلبەك نيازىمبەتوۆ- قازاقستاننىڭ ەڭبەك سىڭىرگەن سپورت شەبەرى، اۋەسقوي بوكستان الەم چەمپيوناتى مەن لوندون جانە ريو وليمپيادالارىنىڭ كۇمىس جۇلدەگەرى.
بۇگىندە بۇرىنعى بوكسشى ەلورداداعى وليمپياداعا دايارلاۋ ورتالىعىندا جۇمىس ىستەيدى.
