اقمولالىق پالۋان قىزدار رەسپۋبليكالىق تۋرنيردە توپ جاردى
جەرلەستەرىمىز ەكى التىن، ەكى كۇمىس جانە ەكى قول مەدال يەلەندى، دەپ حابارلايدى قازاقپارات ءتىلشىسى وبلىستىق دەنە شىنىقتىرۋ جانە سپورت باسقارماسىنا سىلتەمە جاساپ.
ۆەدومستۆونىڭ مالىمەتىنشە، قاراعاندى قالاسىندا گرەك-ريم، ەركىن جانە ايەلدەر كۇرەسىنەن سوۆەت وداعىنىڭ باتىرى نۇركەن ءابدىروۆتىڭ قۇرمەتىنە رەسپۋبليكالىق تۋرنير ءوتتى.
«تاتاميگە نۇر-سۇلتان، الماتى، شىمكەنت قالالارى مەن اقمولا، الماتى، اقتوبە، اتىراۋ، جامبىل، شىعىس- قازاقستان، باتىس قازاقستان، قوستاناي، قىزىلوردا ماڭعىستاۋ، پاۆلودار، تۇركىستان، قاراعاندى وبلىستارىنان بارعان 200 سپورتشى قاتىستى. ولاردىڭ اراسىندا حالىقارالق، رەسپۋبليكالىق دەڭگەيدەگى سپورت شەبەرلەرى بار. جەرلەستەرىمىزدىڭ اراسىندا مارينا زۋيەۆا جانە يرينا كۋزنەتسوۆا چەمپيون اتانسا، البينا قايىرگەلدينوۆا مەن الەكساندرا زايتسيەۆا ەكىنشى ەللادا ماحياددينوۆا مەن اينا تەمىرتاسوۆا ءۇشىنشى ورىن الدى»، - دەيدى اقمولا وبلىستىق دەنە شىنىقتىرۋ جانە سپورت باسقارماسىنىڭ باسپا ءسوز حاتشىسى ماحاببات بولشينا.
اۆتور: اسلان وسپانوۆ