16:03, 06 - جەلتوقسان 2019 | GMT +5
ماماندار دارىگەرلەردىڭ سوزدەرىن وقيتىن باعدارلاما ويلاپ تاپتى
نۇر-سۇلتان. قازاقپارات - Amazon كومپانياسى دارىگەرلەردىڭ سوزدەرىن ماتىنگە اۋداراتىن جاڭا قىزمەتتى ۇسىندى. باعدارلاما دارىگەردىڭ ايتقانىن ديكتافونعا جازادى جانە ونى سول ۋاقىتتا ءماتىن تۇرىندە كورسەتەدى.
بۇل تۋرالى كومپانيانىڭ رەسمي سايتىندا حابارلاندى.
باعدارلاما Amazon Transcribe Medical دەپ اتالادى. ازىرلەۋشىلەردىڭ ايتۋىنشا، ونىڭ كومەگىمەن گادجەتتەردىڭ ديكتافونىنا دارىگەردىڭ داۋىسىن جازىپ، ايتىلعانداردىڭ بارلىعىن ونلاين رەجيمدە ءماتىن تۇرىندە وقۋعا بولادى. سەرۆيستى جاساۋشىلار بۇل جاڭالىق دارىگەرلەردىڭ وزدەرى ءۇشىن دە پايدالى بولاتىنىن ايتتى.
«ويتكەنى ولار باعدارلامانىڭ كومەگىمەن وزدەرىنىڭ ەسەپتەرىن، حابارلامالارىن جانە باسقا دا وسىعان ۇقساس اكىمشىلىك جۇمىستارىن جازۋعا كوپ ۋاقىت جۇمسامايدى»، - دەيدى قۇراستىرۋشىلار.
ايتۋىنشا، اتالعان باعدارلاما دارىگەرلەردىڭ ايتقان دياگنوزدارىن بىردەن تۇسىنبەيتىن پاتسيەنتتەرگە كومەكتەسەدى.
www.24.kz
