قازاقستاندا قانشا جاسءوسپىرىم كولونيادا جازاسىن وتەپ جاتىر؟
جاس وسپىرىمدەر ءجيى جاساعان قىلمىستار قاتارىندا كىسى ءولتىرۋ، اۋىر جاراقات، توناۋ جانە زورلىق ارەكەتتەرى بار.
«كامەلەت جاسىنا تولماعان جاس وسپىرىمدەر جاسايتىن قىلمىستاردىڭ كوپشىلىگى پايداكۇنەمدىك ماقساتىن كوزدەيدى. ءتارتىپ ساقشىلارىنىڭ ايتۋىنشا، ولار قىمبات سمارتفون مەن قىمبات زاتتارعا يە بولعىسى كەلەدى. ياعني اتا-اناسىنىڭ تابىسى جەتپەگەندىكتەن سونداي ارەكەتتەرگە بارادى. زاڭبۇزۋشىلىق پەن قىلمىسقا كوپ جاعدايدا مەكتەپ جاسىنداعى جاس وسپىرىمدەر مەن كوللەدج ستۋدەنتتەرى بارادى. مۇندا ماسەلە تاعى دا تاربيەگە كەلىپ تىرەلەدى. بالا تاربيەسىندە اتا-انانىڭ ءرولى ەرەكشە ەكەنىن ءبارىمىز بىلەمىز»، - دەدى ق ر ءى ءى م اكىمشىلىك پوليتسيا كوميتەتى يۋۆەنالدى پوليتسيا باسقارماسىنىڭ باسشىسى اسەت وسپانوۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
سونىمەن بىرگە، ءا. وسپانوۆ كامەلەت جاسىنا تولماعان قانشا قازاقستاندىق جاس ءوسپىرىمنىڭ جازا وتەپ جاتقانىن ايتتى.
«قازىرگى ۋاقىتتا كامەلەت جاسىنا تولماعاندار كولونياسىندا 43 جاس ءوسپىرىم جازاسىن وتەپ جاتىر. ولاردىڭ جاساعان قىلمىسى ءارتۇرلى دەيگەيدە. اتاپ ايتقاندا، ادام ءولتىرۋ، ولىمگە اكەپ سوققان اۋىر جاراقات، توناۋ جانە زورلىق-زومبىلىق كورسەتۋ. ولاردىڭ ەڭ ۇزاق دەگەنى 5 جىل تۇرمەدە وتىرادى. بىزدەگى مالىمەتتەرگە سايكەس، كامەلەت جاسىنا تولماعاندار اراسىنداعى قىلمىستاردىڭ كوبى الماتى، اقتوبە جانە تۇركىستان وبلىسىندا تىركەلگەن»، - دەدى باسقارما باسشىسى.
