08:01, 06 - جەلتوقسان 2019 | GMT +5
پاتەر كەزەگىنەن شىعارىلعان جالعىزباستى انا ەلوردالىق باسقارمانى سوتقا بەردى
نۇر-سۇلتان. قازاقپارات - ەلوردادا جالعىزباستى انا تۇرعىن ءۇي كەزەگىنەن شىعارىپ تاستاعان نۇر- سۇلتان قالاسىنىڭ جۇمىسپەن قامتۋ جانە الەۋمەتتىك قورعاۋ باسقارماسىنىڭ ۇستىنەن سوتقا ارىزداندى، دەپ حابارلايدى قازاقپارات ءتىلشىسى.
سوتتا انىقتالعانداي، ازاماتشا و. -نىڭ ەلوردا تۇرعىنى رەتىندە تىركەۋدە بولماۋىنا بايلانىستى تۇرعىن ءۇي كوميسسياسىنىڭ 2019 -جىلدىڭ 4 -اقپانىنداعى شەشىمىمەن ول كوممۋنالدىق قوردان باسپاناعا مۇقتاجدار تىزىمىنەن شىعارىلعان. الايدا، سوتقا دەيىنگى تەرگەپ- تەكسەرۋ كەزىندە ارىز بەرۋشى جەتىم ءارى جالعىزباستى انا، سونداي-اق ەكىنشى توپتاعى مۇگەدەك ەكەنىن دالەلدەگەن.
«قازاقستان رەسپۋبليكاسىنىڭ «تۇرعىن ءۇي قاتىناستارى تۋرالى» زاڭ نورمالارىنا سايكەس، اتالعان ساناتقا جاتاتىن ادامداردى مۇقتاجدار تىزىمىنەن الىپ تاستاۋعا بولمايدى»، - دەپ حابارلادى نۇر-سۇلتان قالالىق سوتىنان.
ەسىل اۋداندىق سوتى ايەلدىڭ تالاپتارىن تولىق قاناعاتتاندىردى. ۇكىم زاڭدى كۇشىنە ەنگەن جوق.
اۆتور: ايان بەكەن ۇلى
