قار، كوكتايعاق، بوران - جۇما كۇنگى اۋا رايى بولجامى

«6- جەلتوقساندا قازاقستاننىڭ باسىم بولىگىندە فرونتالدى بولىكتەردىڭ وتۋىنە بايلانىستى اۋا رايى قۇبىلمالى بولادى، كەي جەرلەرىندە جاۋىن-شاشىن ءتۇسىپ، سولتۇستىكتە، شىعىستا جانە وڭتۇستىكتىڭ كەي جەرلەرىندە قالىق قار ارالاس جاڭبىر جاۋادى. تەك ەلىمىزدىڭ باتىسىندا عانا انتيتسيكلوننىڭ ىقپالىمەن كۇن رايى اشىق بولادى. رەسپۋبليكانىڭ كەي جەرلەرىندە - تۇمان ءتۇسىپ، كوكتايعاق بولادى، بوران سوعادى، جەل كۇشەيەدى. قازاقستاننىڭ سولتۇستىگى مەن شىعىسىندا 30 م/س جانە ودان اسا وتە قاتتى جەل كۇتىلەدى»، دەلىنگەن اۋا رايى بولجامىندا.
اقمولا، سولتۇستىك قازاقستان، شىعىس قازاقستان وبلىستارىندا جەل 15-20، ەكپىنى 23-28 م/س كۇشەيەدى، كەي جەرلەرىندە 30 م/س جانە ودان اسا كۇتىلەدى، كەي جەرلەردە تۇمان، كوكتايعاق، جاياۋ بۇرقاسىن كۇتىلەدى.
قوستاناي، پاۆلودار وبلىستارىندا جەل 15-20، ەكپىنى 23-28 م/س كۇشەيەدى، كەي جەرلەرىندە تۇمان، كوكتايعاق، جاياۋ بۇرقاسىن سوعۋى ىقتيمال.
باتىس قازاقستان، قاراعاندى وبلىستارىنىڭ كەي جەرلەردە تۇمان، كوكتايعاق، جاياۋ بۇرقاسىن كۇتىلەدى، جەل 15-20 م/س كۇشەيەدى.
جامبىل، تۇركىستان، قىزىلوردا وبلىستارىنىڭ كەي جەرلەرىندە تۇمان ءتۇسىپ، كوكتايعاق بولادى، جەل 15-20 م/س كۇشەيەدى، جامبىل وبلىسىندا ەكپىنى 23-28 م/س جەتەدى.
اقتوبە، اتىراۋ وبلىستارىنىڭ كەي جەرلەرىندە جەل 18 م/س كۇشەيەدى، اقتوبە وبلىسىندا جاياۋ بۇرقاسىن سوعۋى مۇمكىن.
الماتى وبلىسىنىڭ جالاڭاشكول اۋدانىندا جەل 17-22 م/س كۇشەيەدى.