مەملەكەت باسشىسى گەرمانيا پرەزيدەنتىمەن كەزدەستى
كەلىسسوزدەر گەرمانيا فەدەرالدى پرەزيدەنتىنىڭ رەزيدەنتسياسى سانالاتىن بەلۆيۋ سارايىندا ءوتىپ جاتىر. براندەنبۋرگ قاقپاسىنىڭ جانىنداعى شپرەە وزەنىنىڭ جاعاسىندا ورنالاسقان بۇل ساراي XVIII عاسىردىڭ اياعىندا ەرتە نەوكلاسسيتسيزم ستيلىندە سالىنعان.
گەرمانيا پرەزيدەنتى فرانك- ۆالتەر شتاينمايەر قاسىم- جومارت توقايەۆتى سارايعا كىرە بەرىستە قارسى الىپ، قۇرمەتتى قوناقتار كىتابىندا لەبىزىن قالدىرۋ ءۇشىن فويەگە الىپ باردى. وسىدان كەيىن مەملەكەتتەر باسشىلارى كەلىسسوزدەر زالىنا بەتتەدى.
«پرەزيدەنتتەر ءوزارا مۇددەلىلىك بار كەڭ اۋقىمدى ماسەلەلەردى اتاپ ايتقاندا، قازاقستان- گەرمانيا قارىم- قاتىناستارىن، سونداي- اق ورتالىق ازياداعى وقيعالاردى تالقىلايدى» ، - دەدى قازاقپارات تىلشىسىنە جاۋاپ بەرگەن گەرمانيا فەدەراتيۆتىك رەسپۋبليكاسى پرەزيدەنتى كەڭسەسىنىڭ وكىلى ەستەر ۋلەەر.
