اقتوبەلىك ءورت ءسوندىرۋشى جەلىدە تاراعان ەستافەتانىڭ رەكوردىن جاڭارتتى

اقتوبە. قازاقپارات - اقتوبەلىك ءورت سوندىرۋشىلەر جەلى باستالعان ەستافەتانى جالعاستىرىپ، رەكورد جاڭارتتى، دەپ حابارلايدى قازاقپارات ءتىلشىسى.

№22 ءورت- قۇتقارۋ بەكەتىنىڭ قۇتقارۋشىسى سەرىك ءماجيتوۆ قويىلعان كەدەرگىلەردى 37 سەكۋند ىشىندە ءوتتى.

«بۇل چەللەدجدى رەسەيدىڭ توتەنشە جاعدايلار قىزمەتى باستاعان. ال اقتوبەلىكتەر الەۋمەتتىك جەلىدەن كورىپ، باستامانى قولدادى. 23 جاستاعى سەرىك ءماجيتوۆ جەدەل قۇتقارۋ جاساعىندا جۇمىس ىستەيدى. رەكورد جاڭارتقان جاس قىزمەتكەر بار بولعانى 37 سەكۋندتا كەدەرگىنى ەڭسەردى. ال رەسەيلىكتەردىڭ كورسەتكىشى 58 سەكۋند. تەك وبلىس ورتالىعى ەمەس، اۋدانداعى توتەنشە جاعدايلار قىزمەتى دە ءوز شەبەرلىكتەرىن كورسەتۋدە» ، - دەدى وبلىستىق ت ج د باسپا ءسوز قىزمەتكەرى سابينا سەرىكوۆا.