تەڭگەدەگى دەپوزيتتەر بويىنشا ۇسىنىلاتىن ەڭ جوعارى پايىزدىق مولشەرلەمە جاريالاندى
«تولىقتىرىلمايتىن جيناق سالىمدارى بويىنشا ەڭ جوعارى مولشەرلەمەلەر جىلىنا % 14,1، 2 جىلعا - 14,5 پايىزدى قۇرايدى. بۇل قازاقستاندىقتار اراسىندا ەڭ تالاپ ەتىلەتىن جيناق سالىمدارى: ولارعا قالدىقتاعى كولەمنىڭ 83 پايىزى كەلەدى. جىل باسىنان باستاپ تەڭگەدەگى سالىمداردىڭ بارلىق تۇرلەرى بويىنشا بۇكىل ءوسىم 429 ميلليارد تەڭگەنى قۇرادى، ونىڭ ىشىندە 237 ميلليارد جيناق سالىمدارىنا كەلدى. باسقاشا ايتقاندا، ءاربىر ەكىنشى تەڭگە جيناق سالىمدارىنا ورنالاستىرىلدى، ناتيجەسىندە ولاردىڭ كولەمى 10 ەسە ۇلعايدى»، - دەپ حابارلايدى قازاقستاننىڭ دەپوزيتتەرگە كەپىلدىك بەرۋ قورى.
3 جانە 6 ايعا مەرزىمسىز جانە مەرزىمدى دەپوزيتتەر بويىنشا ەڭ جوعارى سىياقى مولشەرلەمەلەرى بۇرىنعى دەڭگەيدە ساقتالدى، سەبەبى ولاردى ەسەپتەۋ ءۇشىن قازاقستان ۇلتتىق بانكى شەشىم قابىلدايتىن بازالىق مولشەرلەمەسى نەگىز بولىپ تابىلادى. اعىمداعى ساتتە ول % 9,25 - عا تەڭ.
ەڭ جوعارى سىياقى مولشەرلەمەلەرىنىڭ ءوسۋىن 12 اي مەرزىمىندەگى مەرزىمدى سالىمدار انىق كورسەتەدى: بانكتەر %11,1 مولشەرلەمەسىمەن تولىقتىرىلاتىن، ال % 11,6 مولشەرلەمەسىمەن تولىقتىرىلمايتىن مەرزىمدى دەپوزيتتەردى قابىلداي الادى. 24 ايعا مەرزىمدى سالىمدار بويىنشا ەڭ جوعارى مولشەرلەمەلەر 0,1 پايىز كولەمىندە شامالى تومەندەدى.
2018 -جىلدىڭ قازان ايىنان باستاپ قازاقستاندا دەپوزيتتەردىڭ جاڭا جىكتەمەسى - جيناق، مەرزىمدى جانە مەرزىمدى ەمەس دەپوزيتتەر جۇمىس ىستەي باستادى.
مەرزىمسىز سالىم - بۇل ەڭ داعدىلى دەپوزيت: بانك سالىمى شارتىنىڭ ارەكەت ەتۋ مەرزىمى سالىمشىنىڭ سىياقىلاردى جوعالتپاستان اقشانى كەز كەلگەن ۋاقىتتا پايدالانۋىن شەكتەمەيدى.
2019 -جىلعى قىركۇيەكتەن باستاپ مەرزىمسىز سالىمدار بويىنشا ۇسىنىلاتىن ەڭ جوعارى سىياقى مولشەرلەمەسى قازاقستان ۇلتتىق بانكىنىڭ بازالىق مولشەرلەمەسى نەگىزىندە ەسەپتەلەدى.
ءبىر جىلدان اسا مەرزىمدى جانە جيناق سالىمدارى بويىنشا ۇسىنىلاتىن ەڭ جوعارى سىياقى مولشەرلەمەلەرى باسەكەلەستىك نارىقتا قالىپتاسقان سىياقى مولشەرلەمەلەرى نەگىزىندە ەسەپتەلەدى، سوندىقتان وسى سالىمدار بويىنشا تابىستىلىق - جوعارى.
ق د ك ب ق كەپىلدىگى تەڭگەدەگى مەرزىمسىز جانە مەرزىمدى سالىمدار بويىنشا 10 ميلليون تەڭگە، جيناق سالىمدارى بويىنشا - 15 ميلليون تەڭگە قۇرايدى. ەگەر سالىمدار ءار ءتۇرلى بانكتەردە ورنالاستىرىلسا، ق د ك ب ق ءاربىر بانكتە ورنالاستىرىلعان دەپوزيتتەرگە جەكە- جەكە كەپىلدىك بەرەدى.
اۆتور: الما مۇقانوۆا
