مەن قازاقتان شىققان ءتورت دانانى كوردىم - مىرزاتاي جولداسبەكوۆ
مەن ونى جاي ايتا سالعانىم جوق، ءابىشتىڭ اقىلى دا، ءبىلىمى دە، ويلاۋ پايىمى دا وتە تەرەڭ ەدى.
اۋەزوۆ ءاۋپىرىمىن تاپ باسىپ تانىپ شۇيىركەلەسكەن جازۋشى مۇسىرەپوۆ مۇزارت اسۋىنا اياق سالعان كەزدە تاۋعا شىققانداي بيىكتەيدى. «ول.. ءاربىر شىنايى دارىن ءوز قۇدىرەتى ءوزىن قىزىقتاۋعا، ونەردى قىزىقتاۋعا ەمەس، ادامداردىڭ ادامگەرشىلىگىن وسىرۋگە، «سۇيسىنۋگە تۇراتىن نارسەگە ءسۇيسىنتىپ»، «جەك كورۋگە تۇراتىن نارسەنى جەك كورگىزىپ»، ىلعي كەمەلدەنىپ وتىرۋىنا جۇمسالۋعا ءتيىستى دەپ ۇيرەتتى». بيىكتەر تۋرالى ءسوز ايتۋ ءۇشىن بيىكتەن كورىنەتىن قالامگەردىڭ كانىگى مىنەزى.
ءابىش - فيلوسوف، ويشىل، شەشەن، تەرەڭ جازۋشى، ۇلكەن ساياساتكەر، كورنەكتى مەملەكەت ءارى قوعام قايراتكەرى. سىيلاس، باۋىرلاس، جانىمىز جاقىن دوس بولدىق.
زەينوللا قابدوللوۆ اعامىزدىڭ ءبىر ايتقان ءسوزى بار ەدى، عابيت مۇسىرەپوۆ تۋرالى، ول جايلى ماقتاۋدىڭ كەرەگى جوق، ءبىز عابيت مۇسىرەپوۆپەن ماقتانۋمىز كەرەك دەگەن ەدى. ءابىش كەكىلبايەۆ قالاي ماقتاساڭ دا ماقتاۋعا سياتىن، ماقتانۋعا تۇراتىن مەملەكەتىمىزدىڭ قازاق حالقىنان شىققان اتاقتى ويشىلى، زاڭعار جازۋشىسى، ۇلكەن ازاماتى.
كەيىنگى كەزدەردە دە بىرگە جۇردىك بىرگە ەل ارالادىق، سوندا ءابىش ءوزىنىڭ مىنەزىمەن جاراساتىن وزىنە . ال قازىر قاراساڭ ورمان ورتەنىپ، ەل كوشىپ كەتكەندەي سەزىنەمىز.
كەكىلبايەۆتىڭ بۇگىنگى شىققان بيىگى - ۇلت مارتەبەسى. ۇلت مارتەبەسى بولاتىنى - ىزگىلىكتى، ادامگەرشىلىكتى، ۇلت مۇراتتارىن ءاردايىم باسقىش ەتە بىلگەندىگى. ەل مەرەيى مەن ءابىش مەرەيى ەگىز. بىرىنەن- ءبىرىن اجىراتا المايسىز. ءلايىم سولاي بولا بەرگەي!
ءابىش 80-گە كەلدى دەپ جاتىرمىز عوي قازىر، ءوزى بولعاندا ورتامىز قانداي تولىپ وتىراتىن ەدىك. زامان وتەر، ۋاقىت وتەر جىلدار وتەر، الىستى اڭسايمىز ءابىشتىڭ كەلبەتى، كەسكىنى تۇلعالانىپ ۇلكەيە بەرەدى، ءوزىنىڭ ءوسىپ ونگەن الاتاۋىنىڭ بيىك شىڭدارى سياقتى، ءابىش شۇعىلا شاشىپ، قوعامدىق قىزمەتتە بولسىن، ساياساتتا بولسىن، ادەبيەت تاريحىندا بولسىن ءابىش بيىكتەي بەرەدى.
Myrzatay Zholdasbekov جەكە پاراقشاسىنان الىندى
