گولوۆكين مەن رونالدۋ يسپانيادا ءبىر جوبا اياسىندا جۇمىس ىستەۋدە

نۇر-سۇلتان. قازاقپارات - قازاقستاندىق كاسىپقوي بوكسشى گەننادي گولوۆكين مەن تانىمال فۋتبولشى كريشتيانۋ رونالدۋ يتاليانىڭ تۋرين قالاسىندا كەزدەستى.

بۇل تۋرالى ەكى سپورتشى وزدەرىنىڭ Instagram پاراقشاسىندا جاريالادى، دەپ حابارلايدى قازاقپارات.

«بۇگىن مەنىڭ دوسىم @cristiano-نى كورگەنىمە وتە قۋانىشتىمىن! @Daznglobal-مەن قىزىقتى جۇمىس ىستەدىك، بارلىعىڭىزعا كورسەتۋگە اسىقپىن» دەپ جازدى GGG.

ال كريشتيانۋ «ەرەكشە دوسىممەن @Daznglobal-دا قىزىقتى جاڭا جوبادا. كەزدەسكەنىمە قۋانىشتىمىن@gggboxing!»  دەپ جازدى.

ايتا كەتەرلىگى، رونالدۋ گولوۆكينگە يتاليالىق «يۋۆەنتۋس» كلۋبىنىڭ 7 نومەردەگى قولتاڭباسى قويىلعان جەيدەسىن سىيعا تارتتى، ال گولوۆكين پورتۋگالدىق فۋتبولشىعا قولتاڭباسى قويىلعان بوكس قولعابىن ۇسىندى.

ەسكە سالايىق، رونالدۋ 2016-جىلى گولوۆكيننىڭ 34 جاسقا تولعان تۋعان كۇنىنە مادريتتىك «رەالدىڭ» جەيدەسىن سىيلاعان بولاتىن.

اۆتور: مۇحتار قاليموللا ۇلى