قازاقستاننىڭ ەلشىسى قىتاي ءتوراعاسىنا سەنىم گراموتالارىن تاپسىردى

نۇر- سۇلتان. قازاقپارات -  بەيجىڭدە قازاقستان رەسپۋبليكاسىنىڭ قىتاي حالىق رەسپۋبليكاسىنداعى ەلشىسى عابيت قويشىبايەۆ ق ح ر ءتوراعاسى شي جينپيڭگە سەنىم گراموتالارىن تاپسىردى، دەپ حابارلادى ق ر سىرتقى ىستەر مينيسترلىگىنىڭ باسپا ءسوز قىزمەتى.

 سالتاناتتى ءراسىم اياقتالعاننان كەيىن وتكەن قىسقاشا كەزدەسۋ بارىسىندا، ق ح ر ءتوراعاسى ق ر تۇڭعىش پرەزيدەنتى - ەلباسى نۇرسۇلتان نازاربايەۆقا جانە قازاقستان پرەزيدەنتى قاسىم- جومارت توقايەۆقا جىلى سالەم مەن ىزگى تىلەكتەرىن جەتكىزدى.

 قىتاي باسشىسى سونداي- اق ەكى ەل اراسىنداعى ماڭگىلىك جان- جاقتى ستراتەگيالىق ارىپتەستىكتى ودان ءارى تەرەڭدەتۋ ماقساتىندا قازاقستانمەن تىعىز ساياسي ديالوگتى قولداۋعا دايىن ەكەنىن مالىمدەدى. ءوز كەزەگىندە، ع. قويشىبايەۆ قازاقستاندىق تاراپتىڭ قىتايمەن ءوزارا ءتيىمدى ىنتىماقتاستىقتى دامىتۋعا جانە تەرەڭدەتۋگە دايىندىعىن راستاي وتىرىپ، جاڭا لاۋازىمدا ەكىجاقتى ستراتەگيالىق ارىپتەستىكتى جاڭا ساپالى دەڭگەيگە كوتەرۋ ءۇشىن بارلىق كۇش- جىگەرىن سالاتىنىنا سەندىردى.

www.24.kz