08:29, 04 - جەلتوقسان 2019 | GMT +5
نۇر-سۇلتان مەن شىمكەنت تۇرعىندارىنا جاعىمسىز مەتەورولوگيالىق جاعداي ەسكەرتىلدى
نۇر-سۇلتان. قازاقپارات - 4 -جەلتوقسان كۇنى جاعىمسىز مەتەورولوگيالىق جاعداي قازاقستاننىڭ ەكى قالاسىندا كۇتىلەدى، دەپ حابارلايدى قازاقپارات.
«قازگيدرومەت» ر م ك اقپاراتىنا سۇيەنسەك، سارسەنبى كۇنى اتموسفەرالىق اۋا ساپاسى نۇر-سۇلتان جانە شىمكەنت قالالارىندا ناشارلايدى.
سينوپتيكتەردىڭ دەرەكتەرىنە قاراعاندا، اقتوبە، الماتى، بالقاش، قاراعاندى، تاراز، تەمىرتاۋ، وسكەمەندە اۋانىڭ لاستانۋى كۇتىلمەيدى.
قولايسىز مەتەورولوگيالىق جاعدايلار - اتموسفەرالىق اۋانىڭ بەتكى قاباتىندا زياندى (لاستاۋشى) زاتتاردىڭ شوعىرلانۋىنا ىقپال ەتەتىن قىسقامەرزىمدى مەتەوفاكتورلاردىڭ (تىمىق اۋا رايى، جەڭىل جەل، تۇمان، ينۆەرسيا) جيىنتىعى.
ق م ج جاعدايىندا ەلدى مەكەندەردەگى اتموسفەرالىق اۋانىڭ ساپاسى ناشارلاۋى ىقتيمال.
