19:23, 03 - جەلتوقسان 2019 | GMT +5
دانيار ەلەۋسىنوۆتىڭ كەلەسى جەكپە- جەگى مەن قارسىلاسى انىقتالدى
نۇر-سۇلتان. قازاقپارات - قازاقستاندىق بوكسشى دانيار ەلەۋسىنوۆ رينگكە 20 - جەلتوقساندا ورالادى، ال ونىڭ قارسىلاسى امەريكاندىق الان سانچەس بولادى.
جەرلەسىمىزدىڭ كەلەسى ماتچىن Matchroom Boxing پروموۋتەرلىك كومپانياسى Twitter الەۋمەتتىك جەلىسىندەگى رەسمي پاراقشاسىندا جاريالادى.
دانيەل دجەيكوبس پەن حۋليو سەزار چاۆەس اراسىنداعى جەكپە- جەكتىڭ اياسىندا قازاقستاندىق بوكسشى مەريكالىق بوكسشى الان سانچەسپەن جەكپە- جەك وتكىزەتىنى ايتىلعان.
بوكس كەشى 20 - جەلتوقسانعا جوسپارلانعان. حابارلامادا «وليمپيادانىڭ التىن مەدالىن جەڭىپ العان دانيار ەلەۋسىنوۆتىڭ كاسىبي ساپارى فينيكستە جالعاسادى» دەلىنگەن.
سونداي- اق، ونىڭ فوتوسى الداعى بوكس كەشىنىڭ پوستەرىنە ورنالاستىرىلعان.
