التايدا تاۋەلسىزدىك كۇنىنە وراي جاڭارتىلعان پەرزەنتحانا اشىلادى

استانا. قازاقپارات - شىعىس قازاقستان وبلىسىنىڭ اكىمى اكىمى دانيال احمەتوۆ التاي اۋدانىنا بارعان ساپارىندا اۋدانارالىق اۋرۋحاناعا بارىپ، پەرزەنتحانانىڭ جوندەۋ جۇمىستارىنىڭ قالاي ءجۇرىپ جاتقانىن باقىلاپ قايتتى.

ەستەرىڭىزگە سالا كەتەيىك، پەرزەنتحاناعا 2018 -جىلى زاماناۋي قۇرىلعىلار ساتىپ الىنىپ، پەرزەنتحاناداعى 6 دارىگەر لوندون كلينيكالارىندا وقىپ كەلدى. وسى جىلى 5 قىزمەتكەر ليتۆادا ءبىلىمىن تولىقتىردى.

2018 -جىلى كۇردەلى جوندەۋ جۇمىستارىنىڭ جوبالىق- سمەتالىق قۇجاتى جاسالىپ، وسى جىلى «DKProekt» ج ش س كومپانياسى ىسكە كىرىستى.

قازىرگى كۇنى پەرزەنتحانانىڭ ەكىنشى جانە ءۇشىنشى بلوگىنىڭ جوندەۋ جۇمىستارى اياقتالدى. ءبىرىنشى بلوكتىڭ شاتىرى جابىلىپ، ىشكى جۇمىستارى %70 عا اياقتالعان. عيماراتتىڭ الدىنداعى جۇمىستىڭ %90 ءبىتتى. پەرزەنتحانانىڭ جوندەۋ جۇمىستارىن 15 -جەلتوقسان، تاۋەلسىزدىك كۇنى قارساڭىندا تولىق ءبىتىرۋ جوسپارلانىپ وتىر.

«مۇندا ءبىز زاماناۋي قۇرىلعىلاردى اكەلدىك. پەرزەنحانانىڭ 11 دارىگەرى شەتەلدە وقىپ كەلدى. كەلەسى جىلى اۋرۋحاناعا كارديولوگيالىق كەزەڭدى تولىق ۇيىمداستىراتىن قۇرىلعى اكەلۋدى جوسپارلاپ وتىرمىز. سول سەبەپتى، مۇنداعى جوندەۋ جۇمىستارىنىڭ ساپاسى لايىقتى دارەجەدە بولعانىن قالايمىن»، - دەپ اتاپ ءوتتى دانيال احمەتوۆ.

سودان كەيىن ول «گورنياك» مادەنيەت ۇيىندە اۋدان تۇرعىندارىمەن كەزدەسىپ، تۇڭعىش پرەزيدەنت كۇنىمەن قۇتتىقتادى.

«وسى كۇنى ءبىز كوشباسشىمىز - نۇرسۇلتان ءابىش ۇلى نازاربايەۆ تۋرالى ماقتانىشپەن ايتامىز، وىڭ ارقاسىندا قازاقستان تاۋەلسىز مەمەلەكەت بولىپ، تاڭقالارلىق جەتىستىكتەرگە جەتتى. ەلباسى ءبىلىمدى ساياساتكەر جانە جاھاندىق وقيعالاردىڭ مەدياتورى رەتىندە الەم تاريحىنا ەندى، ول ءوز حالقىنا، وتانىنا قىزمەت ەتۋدىڭ جارقىن ۇلگىسىن كورسەتتى»، - دەدى ايماق باسشىسى.