رەسەيلىك سپورتشى چەمپيوندىق بەلبەۋىن قازاق حالقىنا تارتۋ ەتتى
«بۇل جەكپە-جەكتە جەڭىسكە جەتىپ، بەلبەۋدى قورعاي الدىم. قولداۋ بىلدىرگەن بارلىق جانكۇيەرگە ريزاشىلىعىمدى بىلدىرەمىن. بۇل مەن بارلىق ۋاقىتتا ىنتالاندىرادى. سونىمەن قاتار، بەسلان ۋشۋكوۆقا دەنساۋلىق تىلەيمىن. ول تاماشا سپورتشى ءارى لايىق ازامات. قولداۋ بىلدىرگەن قازاقستانعا راحمەت، كەرەمەت بولدى»، - دەپ جازدى البەرت تۋمەنوۆ Instagram-داعى پاراقشاسىندا.
5 راۋندتىق جەكپە-جەكتىڭ 2-راۋىندىندا تۋمەنوۆ قارسىلاسىن نوكاۋتقا تۇسىرگەن بولاتىن. وسىدان كەيىن رەسەيلىك سپورتشى چەمپيوندىق بەلبەۋىن قازاقستاندا قالدىراتىندىعىن ايتتى.
«بۇل بەلبەۋ ءدال قازىرگى ساتتە مەندەگى ەڭ قۇندى دۇنيە. قازاقستان مەن ءۇشىن، حالقىم ءۇشىن ەكىنشى وتان سانالادى. بۇل بەلبەۋدى بارشا قازاق حالقىنا قالدىرعىم كەلەدى. مەنىڭ حالقىمدى وسى جەرگە قونىس اۋدارعاندا شىنايى كوڭىلمەن قارسى العان بولاتىن. سول ءۇشىن ۇلكەن ريزاشىلىعىمدى بىلدىرەمىن. قازاق حالقىنا مەنەن ەستەلىك بولۋى ءۇشىن وسى بەلبەۋدى قازاقستاندا قالدىرۋ تۋرالى كومانداممەن، دوستارىممەن بىرگە شەشىم قابىلدادىق»، - دەدى ول.
اۆتور: مارلان جيەمباي
