قازاقستاندا ليفت ماسەلەسى قالاي شەشىلەدى

نۇر-سۇلتان. قازاقپارات - قازاقستاندا ليفت سالاسىن دامىتۋدىڭ جول كارتاسى ازىرلەندى، وندا سالانىڭ پروبلەمالارىن شەشۋ ءۇشىن ناقتى شارالار كوزدەلگەن.
None
None

بۇل تۋرالى ق ر يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ ق ر پارلامەنتى ءماجىلىسىنىڭ پلەنارلىق وتىرىسىندا دەپۋتاتتىق ساۋالعا جاۋاپ بەرە وتىرىپ اتاپ ءوتتى، دەپ حابارلايدى قازاقپارات.

بۇل باعىتتا ق ر زاڭىنىڭ 2 جوباسى كومەكتەسەدى: ت ك ش ماسەلەلەرى بويىنشا جانە ونەركاسىپتىك قاۋىپسىزدىك ماسەلەلەرى بويىنشا. سونداي-اق ق ر يندۋستريا جانە ينفراقۇرىلىمدىق دامۋ مينيسترلىگى ازىرلەگەن ليفت شارۋاشىلىعىن دامىتۋدىڭ جول كارتاسى دا بار.

«ت ك ش تۋرالى ق ر زاڭىنىڭ جوباسىندا نورما قاراستىرىلعان، ونى قابىلداعاننان كەيىن ۇلتتىق ستاندارت نارىقتىڭ بارلىق سۋبەكتىلەرىنىڭ ورىنداۋى ءۇشىن مىندەتتى بولادى. سونىمەن قاتار، جەرگىلىكتى اتقارۋشى ورگانداردىڭ ماماندارى - الەۋمەتتىك ينفراقۇرىلىم وبەكتىلەرىندەگى ونەركاسىپتىك قاۋىپسىزدىك سالاسىنداعى قاداعالاۋ جونىندەگى مەملەكەتتىك ينسپەكتور مارتەبەسىنە يە بولادى»، - دەدى مينيستر.

بۇدان باسقا، ليفت جابدىعىنا تەحنيكالىق قىزمەت كورسەتۋ بويىنشا قىزمەتتەر نارىعىن رەتتەۋ ماقساتىندا جاڭا رۇقسات بەرۋ ءراسىمى - ليفت جابدىعىن مونتاجداۋ، تەحنيكالىق قىزمەت كورسەتۋ، تەحنيكالىق دياگنوستيكالاۋ، تەحنيكالىق كۋالاندىرۋ جانە جوندەۋ جۇرگىزۋ قۇقىعىنا اتتەستاتتاۋ ەنگىزىلەدى. قاراستىرىلعان ونەركاسىپتىك قاۋىپسىزدىك تۋرالى زاڭ بويىنشا، ۋاكىلەتتى ورگان قۇزىرەتىنە ليفت قۇرال-جابدىقتارىنا قىزمەتتەر كورسەتەتىن زاڭدى تۇلعالاردى قاداعالاۋ جونىندە وكىلەتتىلىك بەرىلەدى. وسى قۇجاتتاردى قابىلداعاننان كەيىن ليفت قاۋىمداستىقتارىمەن بىرلەسىپ اتالعان جۇمىس تۇرلەرىن ورىنداۋ بويىنشا قىزمەت كورسەتەتىن زاڭدى تۇلعالارعا قويىلاتىن بىلىكتىلىك تالاپتارى ازىرلەنەتىن بولادى.

سونىمەن قاتار، ق ر ي ي د م ليفت سالاسىن دامىتۋدىڭ جول كارتاسىن ازىرلەدى، وندا سالانىڭ پروبلەمالارىن شەشۋ ءۇشىن ناقتى شارالار كوزدەلگەن. قازىرگى ۋاقىتتا ەلىمىزدە 24025 ليفتى پايدالانىلۋدا، ولاردىڭ 6 مىڭنان استامى جوندەۋدى جانە اۋىستىرۋدى قاجەت ەتەدى. ءوز قىزمەتىن جىلىنا 3150 ليفتىنىڭ جالپى وندىرىستىك قۋاتى بار 6 كاسىپورىن جۇزەگە اسىرادى.

ايتا كەتۋ كەرەك، 2018 -جىلى مينيسترلىك «قازاقستان ليفت وداعى» قاۋىمداستىعىمەن بىرلەسىپ، ءبىرىڭعاي «ليفتىلەر، ەسكالاتورلار، تراۆولاتورلار جانە مۇمكىندىگى شەكتەۋلى ادامدارعا ارنالعان كوتەرگىشتەر» ق ر س ت ۇلتتىق ستاندارتىن ازىرلەپ، ەنگىزدى. بۇل قۇجاتپەن ليفت جابدىقتارىن مونتاجداۋ، تەحنيكالىق قىزمەت كورسەتۋ بويىنشا قىزمەت كورسەتەتىن ليفت ۇيىمدارىنا قويىلاتىن تالاپتار انىقتالدى.

سوڭعى جاڭالىقتار