زەينەت جاسىن تومەندەتۋ جانە ءار بالاعا جاردەماقى تولەۋ تۋرالى حابارلاما جالعان - مينيسترلىك
بۇل جونىندە ەڭبەك جانە حالىقتى الەۋمەتتىك قورعاۋ مينيسترلىگىنە سىلتەمە جاساپ قازاقپارات حابارلايدى.
بۇعان دەيىن حابارلانعانداي، قازىرگى ۋاقىتتا پارلامەنتتە 2020 -جىلدىڭ 1 -قاڭتارىنان باستاپ 4 جانە ودان دا كوپ بىرگە تۇراتىن كامەلەتكە تولماعان بالالارى بار نەمەسە 23 جاسقا دەيىنگى كۇندىزگى وقۋ بولىمىندە وقيتىن ستۋدەنتتەرى بار وتباسىلارعا مەملەكەتتىك جاردەماقى تولەۋدى كوزدەيتىن زاڭ جوباسى قارالۋدا. بۇل جاردەماقى وتباسىنىڭ تابىسىنا قاراماستان سارالانعان مولشەردە تاعايىندالادى: 4 بالاعا - 42496 تەڭگە؛ 5 بالاعا - 53127 تەڭگە؛ 6 بالاعا - 63757 تەڭگە؛ 7 جانە ودان كوپ بالاعا - 74388 تەڭگە.
«جاڭا جاردەماقىنى تاعايىنداۋ 2020 -جىلى ءوتىنىش بەرىلگەن كۇننەن باستاپ جۇرگىزىلەتىن بولادى. قۇجاتتاردى قابىلداۋ پروتسەسى ەشقانداي مەرزىمدەرمەن شەكتەلمەگەن، ياعني كوپبالالى وتباسىنىڭ جاردەماقىعا قۇقىعى 2020 -جىلدىڭ ورتاسىندا پايدا بولسا، ول بالالاردىڭ بار ەكەنىن جانە بىرگە تۇرۋ فاكتىسىن راستايتىن قۇجاتتارمەن جانە ءتيىستى وتىنىشپەن ح ق ك و-عا جۇگىنەدى. ەگەر بۇل دەرەكتەر مەملەكەتتىك ورگانداردىڭ اقپاراتتىق جۇيەلەرى ارقىلى راستالسا، كورسەتىلگەن قۇجاتتاردى ۇسىنۋ تالاپ ەتىلمەيدى» دەلىنگەن حابارلامادا.
قازىرگى ۋاقىتتا كوپبالالى وتباسى رەتىندە ارناۋلى مەملەكەتتىك جاردەماقى الۋشى بولىپ تابىلاتىن وتباسىلارعا، تيىسىنشە ول 2018 -جىلعا دەيىن تاعايىندالعان وتباسىلار، ءوتىنىش بەرۋشى مەن ونىڭ بىرگە تۇراتىن بالالارى اقپاراتتىق جۇيەلەردە راستالعان جاعدايدا، جاڭا جاردەماقىعا كوشۋ اۆتوماتتى تۇردە حقكو- عا ءوتىنىش جاساماي جۇزەگە اسىرىلادى. وسى ساناتتاعى وتباسىنىڭ بەسىنشى جانە ودان دا كوپ بالالارى تۋعان كەزدە جاردەماقى مولشەرىن وزگەرتۋ قۇقىعى ساقتالادى.
«2020 -جىلعى 1 -قاڭتاردان باستاپ مەملەكەتتىك جاردەماقىلاردىڭ باسقا ءتۇرىن تاعايىنداۋ جوسپارلانىپ وتىرعان جوق» دەپ ءمالىم ەتتى مينيسترلىك.
