ەلوردادا «ۇلى دالا مۇراسى» مۋزەيلەر شەرۋى اشىلدى
«ءبىز توقسان سايىن وسىنداي مەرەكە وتكىزىپ تۇرامىز. بۇگىن سىزدەرگە ارنايى قازاق ونەرىن ناسيحاتتايتىن ماڭىزدى دا قىزىقتى شارالار دايىندالدى. مۋزەيگە كەلىڭىزدەر، كورمەلەردى تاماشالاڭىزدار. مۋزەيگە كەلگەندەرىڭىزگە راحمەت!» ، - دەدى شارانىڭ اشىلۋ سالتاناتىندا ق ر ۇلتتىق مۋزەيى ديرەكتورىنىڭ ورىنباسارى الماز نۇرازحان.
كوپشىلىك نازارىنا العاش رەت ۇسىنىلىپ وتىرعان «ۇلى دالا مۇراسى» جوباسى كوپشىلىكتى قوعامنىڭ مادەني سالاسىمەن بايلانىستىرىپ، مۇراجاي ءومىرىن تانىتۋدى كوزدەيدى.
«سىزدەرگە قازاق ۇلتتىق ونەر ۋنيۆەرسيتەتىنىڭ رەكتورى، پروفەسسور ايمان مۇساقوجايەۆانىڭ ىستىق ىقىلاسىن جەتكىزۋگە رۇقسات ەتىڭىزدەر. وتان، تۋعان جەر، ەل، اتامەكەندى ءسۇيۋ، ۇلتتىق سالت- ءداستۇردى ساقتاۋ سەكىلدى تۇسىنىكتەر وقۋ- تاربيە ۇردىسىندە وقۋشىلار بويىندا قالىپتاستىرۋ جۇزەگە اسىرىلۋدا. بۇگىنگى كەش سونىڭ دالەلى بولماق. ياعني بۇل شەرۋدى «جاستار» جىلى اياسىندا قازاق ۇلتتىق ونەر ۋنيۆەرسيتەتى ۇلتتىق مۋزەيمەن بىرلەسىپ ۇيىمداستىرىپ وتىر» ، - دەدى قازاق ۇلتتىق ونەر ۋنيۆەرسيتەتىنىڭ تاربيە ءىسى جونىندەگى پرورەكتورى قىمبات تىلەۋوۆا.
مۋزەي كەشىنە كەلگەن استانالىقتار مەن قالا قوناقتارى ۇلتتىق مۋزەيگە تەگىن كىرىپ، ءتۇرلى شارالاردى تاماشالادى.
مۋزەي شەرۋى بارىسىندا سۋرەتشى، گيپەررەاليست- ءمۇسىنشى، «100 جاڭا ەسىم» جوباسىنىڭ «مادەنيەت» نوميناتسياسى بويىنشا جەڭىمپازى ايدوس ەسماعامبەتوۆتىڭ گريمدەۋى ۇيىمداستىرىلدى.
«قۇرمەت» وردەنىنىڭ يەگەرى مەرۋەرت وتەكەشوۆانىڭ جەتەكشىلىگىمەن «قايىرلى كەش» تەاترلاندىرىلعان قويىلىم كورسەتىلدى.
«ەجەلگى جانە ورتاعاسىرلار تاريحى» زالىندا «جاندانعان بازار: «اباي» كورىنىسى، قازاق ۇلتتىق ونەر ۋنيۆەرسيتەتىنىڭ تالانتتى بيشىلەرىنىڭ اسەم بال ءبيى، تسيرك ارتىستەرىنىڭ شوۋى جۇرگىزىلدى. «مىسىر ۇلتتىق مۋزەيدە» جانە «Quintessence» اتتى توپتىق كورمەلەرى اشىلىپ، سونىمەن قاتار ءار زالدا تەاترلاندىرىلعان كورىنىستەر، ەتنو- كوللەكتسيا بويىنشا دەفيلە، قازاقشا قول كۇرەس، «اسىعىڭ الشىسىنان ءتۇسسىن!» ۇلتتىق ويىندارى ءوتتى.
