كەلەستە «اسىل ەر - ەلىمەن بىرگە» اتتى سالتاناتتى شارا ءوتتى

كەلەس. قازاقپارات - تۇركىستان وبلىسى كەلەس اۋدانىندا «اسىل ەر - ەلىمەن بىرگە» اتتى سالتاناتتى شارا ءوتتى.

 ق ر تۇڭعىش پرەزيدەنتى كۇنىنە وراي ۇيىمداستىرىلعان شاراعا اۋدان اكىمى اقمەنتاي ەسبايەۆ پەن زيالى قاۋىم وكىلدەرى، مەملەكەتتىك قىزمەتشىلەر مەن اۋدان تۇرعىندارى قاتىستى، دەپ حابارلايدى قازاقپارات ءتىلشىسى.

ەلىمىزدىڭ انۇرانىمەن باستاۋ العان مەرەكەلىك جيىندى اۋدان باسشىسى اقمەنتاي ەسبايەۆ اشىپ، بارشا كەلەستىكتەردى مەرەكەمەن قۇتتىقتادى.

«ەلباسى حالىقتى وراسان زور ىستەرگە جۇمىلدىردى، قوعامداعى تاتۋلىق پەن كەلىسىمدى نىعايتۋ ىسىندە سارابدال ساياسات ۇستاندى. ەلىمىزدىڭ سىرتقى ساياسي باعىتىن ءدال نۇسقاپ، تۇڭعىش رەت قازاق مەملەكەتىنىڭ شەكاراسىن ايقىندادى، تورتكۇل دۇنيەگە تەڭ تەرەزەلى ەل رەتىندە مويىنداتتى. مىنە، سوندىقتان دا الەم ساياساتكەرلەرى قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان نازاربايەۆتى قازاقستان مەملەكەتتىلىگىنىڭ نەگىزىن قالاۋشى جانە بۇكىل حالىقارالىق قوعامداستىقتىڭ ريزاشىلىعى مەن قۇرمەتىنە يە بولعان جاھاندىق، وڭىرلىك بەيبىت باستامالاردىڭ اۆتورى رەتىندە تانيدى» ، - دەدى اۋدان اكىمى.

سونداي- اق، اكىم بيىل ارىس اپاتىندا اۋدان اتىنان بارىپ، قول ۇشىن بەرگەن ازاماتتارعا تۇركىستان وبلىسىنىڭ اكىمى ءومىرزاق شوكەيەۆتىڭ العىس حاتىن تابىستادى. ءبىرقاتار ازاماتتار اۋدان اكىمىنىڭ ماراپاتىنا يە بولدى.

مەرەكەلىك كوڭىل- كۇيدە وتكەن ءىس شارا مادەنيەت ءۇيى ونەرپازدارى دايىنداعان كونسەرتتىك باعدارلاماعا ۇلاستى.