ەريەۆاندا ارميان تىلىندە قازاق ادەبيەتى انتولوگياسىنىڭ تۇساۋى كەسىلدى

ەرەۆان. قازاقپارات - ەريەۆاندا ارمەنياداعى قازاقستان كونسۋلدىعىنىڭ قولداۋىمەن تۇڭعىش پرەزيدەنت كۇنىنە وراي ارميان تىلىندە «قازاق ادەبيەتى انتولوگياسىنىڭ» تۇساۋى كەسىلدى، دەپ حابارلايدى «قازاقپارات» ح ا ا مەنشىكتى ءتىلشىسى حابارلادى.

ارمەنياداعى قازاقستان ەلشىلىگىنىڭ قولداۋىمەن «رۋحاني جاڭعىرۋ» باعدارلاماسى اياسىندا ارميان تىلىندە «قازاق ادەبيەتى انتولوگياسى» جارىق كوردى. جيناققا ءارتۇرلى باعىتتاعى قازاقستان جازۋشىلارى مەن اقىندارىنىڭ، سونىمەن قاتار 16 - عاسىردان 21 - عاسىرعا دەيىنگى قازاق ادەبيەتى كلاسسيكتەرىنىڭ شىعارمالارى ەنگەن.

«ارميان حالقىن قازاق كلاسسيكتەرىنىڭ قايتالانباس ولەڭ جولدارىمەن، ءبىزدىڭ 16, 17, 18 عاسىرلارداعى اقىن- جىراۋلارىمىزدىڭ اۋەزدى شىعارماشىلىعىمەن تانىستىرۋ ماقساتىندا قازاقستان مەن ارمەنيا تاريحىندا تۇڭعىش رەت «قازاق ادەبيەتى انتولوگياسى» جيناعى ارميان تىلىندە جارىق كوردى. باسىلىمنىڭ ەرەكشەلىگى - ءبىز ءبىر جيناققا ءارتۇرلى جانرداعى جانە قازاق ادەبيەتىنىڭ ءتۇرلى تاريحي كەزەڭدەرىندەگى ادەبي شىعارمالار توپتاستىرىلدى» ، - دەدى شارا بارىسىندا ارمانياداعى قازاقستان ەلشىسى تيمۋر ورازايەۆ.

كىتاپتىڭ اۋدارماسى جانە باسىلىمىمەن م. ابەگيان اتىنداعى ارمەنيا ۇلتتىق اكادەمياسىنىڭ ادەبيەت ينستيتۋتى مەن ەريەۆان مەملەكەتتىك ۋنيۆەرسيتەتى اينالىسقان. باسىلىمنىڭ جارىققا شىعۋىنا تاجىريبەلى ارميان كوركەم اۋدارما ماماندارى قاتىستى.

«سوڭعى 50 جىلدا اۋدارمالاردىڭ تەك رەپرينتتى تۇرلەرى جاريالانىپ وتىردى. كاسىبي شىعارماشىلىق توپتىڭ ارقاسىندا ءبىرىنشى رەت ارميان تىلىندە وسىنداي كولەمدى جانە باعالى ەڭبەك جارىق كوردى» ، - دەپ اتاپ ءوتتى ەريەۆان مەملەكەتتىك ۋنيۆەرسيتەتى تۇركولوگيا كافەدراسىنىڭ مەڭگەرۋشىسى، رەداكتور- انتولوگيانىڭ قۇراستىرۋشى، كىرىسپە ءسوز بەن فيلولوگيالىق ەسكەرتپەلەر اۆتورى، پروفەسسور الەكساندر سافاريان.

انتولوگياعا قازاق ادەبيەتىنىڭ كلاسسيكتەرى - اباي، شاكارىم، ماعجان جۇمابايەۆ، ءىلياس جانسۇگىروۆ، جامبىل جابايەۆ جانە باسقالاردىڭ تۋىندىلارى كىرگەن. جالپى جيناقتا 100دەن اسا شىعارما بار.

تۇساۋكەسەردەن كەيىن «قازاق ادەبيەتى انتولوگياسى» ارمەنيا مەن قازاقستاننىڭ جەتەكشى ۋنيۆەرسيتەتتەرى مەن كىتاپحانالارىنا جەتكىزىلەدى.

شارا بارىسىندا ارميان تىلىندەگى «قازاق ادەبيەتى انتولوگياسىنان» بولەك تاعى ەكى كىتاپتىڭ تانىستىرىلىمى بولدى: «قازىرگى قازاق پوەزياسى انتولوگياسى» جانە «قازىرگى قازاق پروزاسى انتولوگياسى» . بۇل ەكى تومدىق جيناق «رۋحاني جاڭعىرۋ» باعدارلاماسى اياسىندا ب ۇ ۇ بارلىق تىلدەرىندە جارىق كوردى.

اۆتورى ازامات الماعانبەتوۆ