بەيجىڭدە ق ر تۇڭعىش پرەزيدەنتى كۇنى اتالىپ ءوتتى
قازاقستاننىڭ ءانۇرانى ورىندالعاننان كەيىن جاس جەتكىنشەكتەر وتان مەن تۇڭعىش پرەزيدەنت جايلى ولەڭ وقىدى.
جاس قازاقستاندىقتار قازاقستاننىڭ XXI عاسىرىنداعى جەتىستىكتەرى مەن جەڭىستەرىنە ارنالعان شىعارماشىلىق جۇمىستارىن كورسەتتى.
كەش «قازاق ەلى» تولىق مەتراجدى تاريحي مۋلتفيلمىن كورسەتۋمەن اياقتالدى. قازاقستاننىڭ تۇڭعىش پرەزيدەنتى كۇنىنە وراي بەيجىڭدە مۋلتيپليكاتسيالىق شىعارماشىلىق پاتريوتتىق فيلمدەردى كورسەتۋ - جىل سايىنعى داستۇرگە اينالعان. وتكەن جىلى ءدال وسى ءداستۇر بويىنشا بالالارعا «بالالىق شاعىمنىڭ اسپانى» فيلمى كورسەتىلسە، 2017 -جىلى جاس جەتكىنشەكتەر «ەر توستىك پەن ايداھار» انيماتسيالى فيلمىن تاماشالاعان.
ايتا كەتەرلىگى، جەلتوقسان ايىنىڭ باسىندا بەيجىڭدە قازاقستان رەسپۋبليكاسىنىڭ تۇڭعىش پرەزيدەنتى كۇنى قۇرمەتىنە وراي «بالدىرعان» دامۋ ورتالىعى اشىلادى.
رۋسلان سۇلەيمەنوۆ
