بوكسشى بەكزات ساتتارحانوۆ تۋرالى تەلەحيكايا «حابار» ارناسىنان كورەرمەنگە جول تارتادى
از عۇمىرىندا كوپ ەستەلىك قالدىرعان ازامات جايلى تانىمدىق سەريال بۇعان دەيىن ەلىمىزدىڭ بارلىق كينوتەاترلارىندا كورسەتىلدى. فيلمدەگى باستى ءرولدى جاس اكتەر سامات ءازىمقۇلوۆ سومدادى. ول بوكسپەن بەس- اق جىل اينالىسىپ، وليمپ شىڭىن باعىندىرعان ساڭلاق سپورتشىنىڭ رولىندە ويناۋ ۇلكەن جاۋاپكەرشىلىك ەكەنىن ايتادى.
سامات ءازىمقۇلوۆ، اكتەر:
- بۇل فيلمگە مەن بالا كەزدەن كەلدىم دەيمىن. سەبەبى بەكزات اعانىڭ ءرولىن سومداۋ مەنىڭ بالا كۇنگى ارمانىم بولاتىن. وبراز جاعىنا كەلەتىن بولساق، باتىر، وجەت، قاراپايىم، ادامگەرشىلىكتى بولۋ. ول ەندى بەكزات اعانىڭ دلا بويىنداعى بار قاسيەتتەر. سولاردىڭ ءبارىن رەجيسسەردىڭ ايتۋى بويىنشا ءوزىم 80-90 پايىزعا الىپ شىقتىم دەپ ويلايمىن.
«حابار» اگەنتتىگى تاپسىرىسىمەن تۇسىرىلگەن تەلەسەريالدا - جاسىنداي جارق ەتكەن سپورتشىنىڭ جەتىستىكتەرى مەن سول كەزەڭدەگى ەل ءومىرى قاتار ءوربيدى. ساناۋلى عۇمىرىنداعى قول جەتكىزگەن رۋحتى ساتتەرى وسكەلەڭ ۇرپاققا ۇلگى بولماق. سەريالدىڭ سيۋجەتتىك جەلىسىنە سپورتشى ءومىرىنىڭ ءۇش كەزەڭى قامتىلعان. بالالىق شاعى، بوزبالا كەزەڭى جانە ءومىرىنىڭ سوڭعى ءساتى بەينەلەنگەن. جالپى تەلەحيكايانىڭ باسىم بولىگى بىلعارى قولعاپ شەبەرىنىڭ تۋعان جەرى تۇركىستان قالاسىندا ءتۇسىرىلدى.
ايدوس تۇرىسبەك، «حابار» ارناسىنىڭ باس پروديۋسەرى:
- بەكزات ساتتارحانوۆتاي ساڭلاق سپورتشىمىزجدىڭ قىسقا دا بولسا كوپكە ۇلگى بولعان عيبراتتى عۇرىمىن كورسەتكىمىز كەلدى. مۇندا بەكزاتتىڭ سپورتتا جەتكەن جەتىستىكتەرى، سول ءداۋىردىڭ 90-جىلداردىڭ اياعىنداعى ەل ءومىرىن كورسەتكىمىز كەلدى. العاشقى جەتىستىكتەرى، وليمپ شىڭىن باعىندىرعان ساتتەرىن كورسەتكىمىز كەلدى. كەلەسى جىلى توكيو وليمپياداسى كەلە جاتىر. بۇل دا بولسا ءبىزدىڭ سپورتشىلارىمىزدىڭ نامىسىن جانىپ، جىگەرىن قايرايدى دەپ ويلايمىن.
از عۇمىرىندا كوپ ەستەلىك قالدىرعان ازاماتتى حالقى ءالى كۇنگە دەيىن دارىپتەيدى. ال التى بولىمنەن تۇراتىن سەريال الداعى سەنبى- جەكسەنبى كۇندەرى ساعات 16:00-دە «حابار» تەلەارناسىنان كورسەتىلەدى.
www.24.kz
