قىتاي اقجارقىن تۇرلىبايدى قازاقستانعا قايتارا ما؟

نۇر-سۇلتان. قازاقپارات -  قىتاي اقجارقىن تۇرلىبايدى قازاقستانعا قايتارا ما - مينيسترلىك جاۋاپ بەردى. بۇل «تۇركىستان» گازەتىندە جاريالانعان ماقالانىڭ تاقىرىبى.

 سىرتقى ىستەر مينيسترلىگى قىتايدا ەسىرتكى كونترابانداسى ءۇشىن ۇستالعان اقجارقىن تۇرلىبايدى ەلگە قايتارۋ ماسەلەسىن ءتۇسىندىردى.

ءمينيستردىڭ ءبىرىنشى ورىنباسارى شاحرات نۇرىشيەۆتىڭ ايتۋىنشا، سوتتىڭ سوڭعى شەشىمى ءالى شىققان جوق. ونسىز اقجارقىن تۇرلىبايدى ەكستراديتسيالاۋعا سۇراۋ سالۋ مۇمكىن ەمەس. ونىڭ سوزىنە قاراعاندا، اقجارقىن تۇرلىباي ەلگە قايتارىلعاننان كەيىن ونىڭ ءىسىن قازاقستاننىڭ سوتى قارايدى. سەبەبى ەكى ەلدىڭ زاڭناماسى ەكى بولەك جانە قىلمىس ءۇشىن بەرىلەتىن جازا ءارتۇرلى.

 «ءيا، جازانىڭ مەرزىمى وزگەرۋى مۇمكىن. سەبەبى قازاقستان مەن قىتايدىڭ زاڭناماسى ءبىر- بىرىنە ۇقسامايدى. ءبىر قىلمىس ءۇشىن ءارتۇرلى جازا بەرىلەدى. سوندىقتان بۇل جەردە ول ءوز جازاسىن قازاقستاننىڭ زاڭناماسى بويىنشا وتەۋى ءتيىس»، - دەپ اتاپ كورسەتتى نۇرىشيەۆ.

www.24.kz