21:20, 29 - قاراشا 2019 | GMT +5
كەلەسى جىلى ەلوردا اۋداندارى گازبەن قامتىلادى
نۇر- سۇلتان. قازاقپارات - كەلەسى جىلى ەلوردا اۋداندارى گازبەن قامتىلادى.
بۇل تۋرالى ق ر ەنەرگەتيكا ۆيتسە- ءمينيسترى مۇرات جۇرەبەكوۆ «سارى ارقا» گاز قۇبىرى قۇرىلىسىنىڭ ءبىرىنشى كەزەڭىن ىسكە اسىرۋ تۋرالى دوڭگەلەك ۇستەلدە ايتتى، دەپ حابارلايدى قازاقپارات ءتىلشىسى.
«جوسپار بويىنشا سارىارقا گاز قۇبىرىن نۇر- سۇلتان قالاسىنا الىپ كەلدىك. ەكىنشى ماسەلە: نۇرسۇلتان، قاراعاندى، تەمىرتاۋ وڭىرلەرىن گازبەن قامتاماسىز ەتۋ. اكىمدىكتىڭ قولداۋىمەن وسى باعىتتا ءتيىستى جۇمىستار جۇرگىزىلۋدە»، - دەيدى ق ر ەنەرگەتيكا ۆيتسە- ءمينيسترى مۇرات جۇرەبەكوۆ.
ول اكىمدىك اقپاراتىنا سۇيەنىپ، نۇر- سۇلتان قالاسىنداعى اۋدانداردى گازبەن جابدىقتاۋ جۇمىستارى كەلەسى جىلى بىتەتىنىن ايتتى.
ەسكە سالا كەتسەك، بۇعان دەيىن «سارى ارقا گاز قۇبىرلارىن توسەۋ جۇمىستارى % 100 اياقتالعانى تۋرالى جازعان بولاتىنبىز.
