تۇركيادان شەت ەلدەرگە كەتىپ جاتقان دارىگەرلەر سانى ارتۋدا
تەك بيىلدىڭ وزىندە 900-دەن استام مەديتسينا قىزمەتكەرى وزگە ەلگە قونىس اۋدارعان. سوڭعى 8 جىلدا تۇرىك مەديتسينالىق قاۋىمداستىعىنا ءوتىنىش بەرۋشىلەردىڭ سانى ەداۋىر ارتقان. ولاردىڭ العاشقى تولقىنى 2016 -جىلعى توڭكەرىس ارەكەتىنەن كەيىن تىركەلگەن. تاپ وسى جىلى 245 اق حالاتتى شەت ەل اسىپ كەتكەن.
جالپى تۇركيادا مەديتسينالىق قىزمەتكەرلەر ەڭ جوعارعى جالاقى الاتىنداردىڭ قاتارىندا. ەلدە مەملەكەتتىك اۋرۋحانالاردا جۇمىس ىستەيتىن دارىگەرلەردىڭ ورتاشا ايلىعى 1200 ا ق ش دوللار كولەمىندە.
ۆەدات بۇلۇت، انكارا مەديتسينالىق پالاتاسىنىڭ ءتوراعاسى، پروفەسسور:
- دارىگەرلەردىڭ شەت ەل اسىپ كەتۋىنىڭ بىرنەشە سەبەبى بار. باستىسى، سوڭعى جىلدارداعى جارلىققا سايكەس 4000 مىڭعا جۋىق قىزمەتكەر جۇمىستان شىعارىلعان. ولار ءۇشىن جۇمىسقا ورنالاسۋدىڭ جالعىز جولى - شەت ەلگە كەتۋ. سوسىن مەديتسينالىق قىزمەتكەرلەرىمىزگە قارسى ناۋقاستار مەن جاقىندارىنىڭ تاراپىنان بولاتىن زورلىق- زومبىلىقتار. ودان كەيىن الەۋمەتتىك جاعدايى.
www.24.kz
