جاپونيانىڭ ءوزى لاتىن گرافيكاسىن قولدانادى - عالىم
بۇل تۋرالى ەلوردادا وتكەن «لاتىن گرافيكاسىنداعى ب ا ق مۇمكىندىگى مەن ماسەلەلەرى» اتتى سەميناردا ايتىلدى، دەپ حابارلايدى قازاقپارات ءتىلشىسى.
ق ر مادەنيەت جانە سپورت مينيسترلىگى ءتىل ساياساتى كوميتەتىنىڭ تاپسىرىسىمەن شايسۇلتان شاياحمەتوۆ اتىنداعى «ءتىل - قازىنا» ۇلتتىق عىلىمي- پراكتيكالىق ورتالىعىندا باق وكىلدەرىنىڭ قاتىسۋىمەن لاتىن گرافيكاسىنا قاتىستى سەمينار ءوتتى.
«قازىرگى ۋاقىتتا كيريللشە جازاتىندار سانى كوپ بولعانمەن، ۋاقىت وتە كەلە لاتىن گرافيكاسىمەن جازاتىنداردىڭ قاتارى كوبەيە باستايدى. كيريلل ءالىپبيى - سلاۆيان ۇلتتارىنىڭ ءتول جازۋى، ءبىراق شىعىس ەۋروپادا وتىرعان سلاۆياندار كيريلل الىپبيىنەن الدەقاشان باس تارتىپ، لاتىن الىپبيىنە كوشىپ كەتتى. كيريلل ءالىپبيى - وتە جاقسى ءالىپبي، ويتكەنى ول ورتا عاسىردا پايدا بولعان لاتىن ءالىپبيىنىڭ كەمشىلىگىن ەسكەرە وتىرىپ، جەتىلگەن. تاڭبالارى دا ادەمى، ءبىراق قازىرگى ۋاقىتتا كيريلل ءالىپبيىنىڭ «داۋرەنى جۇرمەي تۇر». كيريلل ءالىپبيىنىڭ قولدانۋ اياسى جىل وتكەن سايىن تارىلا بەرەدى»، - دەيدى «ءتىل - قازىنا» ۇلتتىق عىلىمي- پراكتيكالىق ورتالىعىنىڭ عالىم حاتشىسى انار فازىلجانوۆا.
ول لاتىن ءالىپبيىنىڭ اياسى كەڭەيۋى - تەندەنسيا ەكەنىن ايتتى.
«بۇل - ءۇردىس، ءبىز ونى توقتاتا المايمىز. قازاقستانداعى قازاقتانۋ - تەندەنسيا، مىڭ جەردەن كۇش، شارا قولدانساڭ دا، قازاق ءوزىن تانۋدى ەندى توقتاتپايدى. قازاق ءوزىن- ءوزى جاقسى كورۋدى ەندى توقتاتپايدى. ال ەندى وسى قازاقتانۋ پروتسەسىنە كيريلل ءالىپبيى جاۋاپ بەرە الا ما؟ لاتىن الىپبيىندە ەشقانداي تەرىس ستەرەوتيپتەر جوق. الەمنىڭ % 70- ى لاتىن ءالىپبيىن بىلەدى. ءتىپتى جاپون، قىتايلاردىڭ ءوزى قىتاي لاتىن ءالىپبيى، جاپون لاتىن گرافيكاسى دەگەندى قولدانادى. قىتايدىڭ ەكونوميكا سەكتورىندا يەروگليفتەر قولدانىلمايدى، ەكونوميكاعا قاتىستى قىتاي تىلىندەگى سوزدەر تەك لاتىن الىپبيىمەن جازىلادى»، - دەيدى ول.
سونىمەن قاتار، اتالعان ورتالىقتىڭ عالىم حاتشىسى لاتىن الىپبيىنە كوشۋدىڭ ماڭىزىن اتا- انالارعا دۇرىس ءتۇسىندىرۋ كەرەكتىگىن ايتتى.
«كيريلل ءالىپبيىن قولدايتىن اتا- انا ءوزىنىڭ بالاسىن كەڭەيىپ بارا جاتقان كەڭ دۇنيەدەن سۋىرىپ الىپ، تارىلىپ بارا جاتقان تار دۇنيەگە لاقتىراتىنىن بىلمەيدى. گرافيكالىق كەڭىستىك ادامعا ىڭعايلى ورتا جاسايدى. لاتىن ءالىپبيىن بىلمەيتىن بالا ديسكومفورتتا جۇرەدى. وسىنى ەسكەرۋىمىز كەرەك»، - دەيدى مامان.
اۆتور: زارينا قاھارمان
